Marko 3:3 - Biblía Axweesantá Hhohho' ar Mungú 2004

³ Yesu heedaádá' dakós aa sol'oot guri báy, «Baraá tla/aangw i sihhiiteek.»

Ya/abtór hho' 1977

³ Heedaádá' dakós aa sol'oot guri báy, “Baraá tla/aangw i sihhiiteek.”

Marko 3:3 Iomraidhean Croise

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

Matayo 12:10

Heeko dakós aa sol'oot i baraadí dirii'. Yesu kuri yaahaás, tari oó', «Xáy, i hariínda muu kuwa hungu/uumisi deelór Sabaátoro?» Adoorí kana oó' as kuwa sakwasleemár wa slai.

Marko 3:2

Kuri gigidín as kuwa ari, áx heedaádá' gu hungu/uúsi deelór Sabaátoro, as kahhó' kuwa sakwasleemuuti.

Marko 3:4

Muu guri yaahaás, «Gár hariim tleehhamoro deelór Sabaátoro a milá? Gár hhoóe laqaá gár tlaakw? Hee kuwa hungu/uúsi, laqaá kuwa gaasi» Tari xasliít.

Luka 6:8

Ala Yesu tidá' ta baraá muner'ín i axweesi gari tsaáhh, heedaádá' dakós aa sol'oot guri báy, «Tláw, baraá tla/aangw i sihhiiteek.» Heedaádá' iri tláy iri didaádií sihhiít.

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Filipi 1:14

Nee tseegamor'eé' hha'aá yaariir awa kríshaanáy gaa haratlintaao gawdés baraá Aakoowo, tari uraaráy baraá pihh'uumaaro as Ya/abtór hho' kawa alki/iiti ar dae wasle.

1 Petro 4:1

Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.