Marko 3:14 - Biblía Axweesantá Hhohho' ar Mungú 2004

¹⁴ Múk mibaá nee tsár guri tsawaár as tawa ya/abuuse as kahhó' tawa dinkwa nee inós, nee nguwa ya/aawi as axweesantá Mungú ngiwa alki/itiyá',

Ya/abtór hho' 1977

¹⁴ Múk mibá nee tsár guri tsawaár as tawa dinkwa nee inós, nee nguwa ya/aawi alki/ituú axweesantá Mungú wa ale,

Marko 3:14 Iomraidhean Croise

Marko 3:13

Yesu iri tsa/án gawaá tlooma, kudá' inós aa slaá' giri ateét, kuri i daqáy.

Marko 3:15

slám /uuru nguwa kona' oo neetlaame duxuungw.

Marko 6:30

Yesu ya/abuuseerós guri i burumburít, tidá' sleémeero ar naa tleehhiyé', nee tidá' taa intsaahhatimís kari dirós i alki/iít.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Galatia 1:1

Anuú Paulo barwaári ngina gooiím. Aníng a ya/abusmo. Aníng múk iga ya/aaw i kaahh, laqaá heé iga ya/abusmoó wa qaas tleehh i kaahh. Ala án heé iga ya/abusmoó wa qaas a Yesu Kristo inósuú kilá'. Slám nee Mungú Baabá, kudá' Yesu Kristo ngwa waaslee/atis baraá múk aa qaátl wa ale.