Marko 3:10 - Biblía Axweesantá Hhohho' ar Mungú 2004

¹⁰ Asma múk yaariír guna hungu/uumiís, awa slahh'amuú dimbadimbé ngu koomá' sleémeero kuri i tseewúy ar tliqa as kuwa kwatitár wa slai.

Ya/abtór hho' 1977

¹⁰ Asma múk yaariír guna hungu/uumiís, tam sleémeero awa slahha'amuú dimbadimbé ngu koomá' kuri i tseewúy ar tliqa as kuwa kwatitár wa slai.

Marko 3:10 Iomraidhean Croise

IIMU/UUNGW 12:17

Ala AAKOÓ MUNGÚ Farao guri slaáhh, nee múk do'ose, ar muxtár ur as Sarai, harér Abramu.

FAARO 11:33

Ala qoomár fu'unaá yaariir niwa kumiitiya' nee dír fu'unaydá' ngira faaki'iiká /aymaro, AAKOÓ MUNGÚ muu guri slaáhh ar slahhtá ur.

Matayo 12:15

Yesu adoodá' ngiwa tsaáhh, iri tláy didaádae, múk yaariír guri eehár. Sleémeero giri hungu/uumiís.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 14:36

Kuri firín tam pasltá inqwaarirós kilós ngiwa kwatiitiya'. Nee mukdá' sleémeero pasltá inqwaarirós gaa kwatiit, iri hungaguú/.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 5:34

Yesu gari báy, «Dasir'eé', haratlintaaoorók kiíng iga hungu/ús, tláw ar wayda, adoosíng tara hungú/ koomeek.»

Marko 6:56

Nee umuúqo dír aa kayi baraá gixsaduuwo nee tla/ángw ayko tiqtuuse kana dinkwarí burumbuúr didár boo/aay. Kuri harhheehhe'eemiís kuwa kwatiiti tam pasltá inqwaarirós. Nee kudá' sleémeero ngwa kwatimiitiye' tari hungaaguú/.

Marko 8:22

Tawa hardáh gixsár Bet-saidaro, heé taampa kuna amór Yesu i huúw. Yesu kuri harhheehhe'eés nguwa kwatiiti.

Luka 5:3

Yesu iri baraá miringamoó Simoní dáh, guri firín nguwa surkusi gár niinawe afaá tlawto. Iri gawaadií iwiít, boo/oó muu guri intsaahhatimís.

Luka 6:19

Boo/aay sleémeero inós guna kwatiitár wa slaá', asma /uuruudá' hungu/uumiís oo amoorós daáhh, kudá' sleémeero gi hungu/uumiís.

Luka 7:2

Lawaalmoó geeraharusmooko askaári i tiiq, i afkú bohoóngwí dirii'. Askaarmoodá' lawaalmoowós kudá' gu ló'wa slaa'.

Luka 7:21

Nee hamtidár kilae múk yaariír oo tiqtuuse nee oo slahhahhaá' guna hungu/uús, nee oo neetlaame aa eér, nee taampaá yaariir niri qaytsitiyé'.

Tlehhema'aá ya/Abuuse 5:15

Tam tiqtuuse sleeme kari huwahuúw ar falo nee ar hhafeeto afaá loohír i ale, as geehhaantamoó Petro ngiwa slay qoomár inós bir waaraahh.

Ebrania 12:6

Asma Aako umuúqo heé i slai aqo gun iigahhamiit, nee umuúqo garmoó aa slaá' aqo gun muux.»