Marko 2:8 - Biblía Axweesantá Hhohho' ar Mungú 2004

⁸ Ala Yesu adoodá' i baraá muner'íní axweesiyá' gari adaá tsaáhh baraá qeeruuwose giri báy, «Asma milá adoosíng mas baraá munerhúngí aldakwtá'?

Ya/abtór hho' 1977

⁸ Ala Yesu gari tsaáhh baraá muunuúwose gídaabá ta adoodá' axwees baraá muner'ín i alé, giri báy, “Asma milá mas adoorí axwesá' baraá munerhúng i alé?

Marko 2:8 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

AXWEESANOÓ SAGALOOA 15:26

Inslawoó múk tlákw AAKOÓ MUNGÚ gu waak, Ala axweesanoó hhó' gu sla'atamis.

AXWEESANOÓ SAGALOOA 24:9

Heé daktani gár i leelehhiiti a tlakweema, nee heé múk niqiím ku waak nee muu.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

Matayo 12:15

Yesu adoodá' ngiwa tsaáhh, iri tláy didaádae, múk yaariír guri eehár. Sleémeero giri hungu/uumiís.

Matayo 16:7

Eeharuuseedá' iri kilooín axwés, tari káh, «Adoorí gana oó' asma adoodá' mikaáte ngiwa gunqareesaán.»

Matayo 9:4

Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Marko 2:7

«Asma milá mis adoorí kah? I Munguú /ooslislín. Heé tlakweema gurtleemuuwo gi aleesláw a heemá? A har Mungú kilóseéke?»

Marko 2:9

Gár ák inslaahh a gaalá, a heé tiqtír sol'omituú koóm kuwa báya, ‹Tlakweemaawók kaa gurtláy›, laqaá kuwa bay, ‹Sihhiít, hhaftuuwók gagaareek, tláw.›

Marko 7:21

Asma inslawoó tlákw ám ni dahhi a baraá muunuú hee, kudá' hee iwa fuqtá ay, nee iwa fiisór ay, nee iwa tsu/tár ay,

Luka 24:38

Giri báy, «Asma milá masa amoqwadé'? Nee asma milá mas xurumitá' baraá munerhunge.

Luka 5:22

Yesu axweesantaín gari tsaáhh, giri báy, «Gár ta baraá munerhúngií aldakuta' a milá?

Luka 6:8

Ala Yesu tidá' ta baraá muner'ín i axweesi gari tsaáhh, heedaádá' dakós aa sol'oot guri báy, «Tláw, baraá tla/aangw i sihhiiteek.» Heedaádá' iri tláy iri didaádií sihhiít.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 6:64

Ala baraá tla/angwhunge muu i deer oo aa haratlinti'iiká.» Asma Yesu mukdá' gwa haratlinti'iiká gu qaroó geerií xuu', tam heedaádá' gu sakií/ sleeme.

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

Tlehhema'aá ya/Abuuse 8:22

Gawaá adoorihe tlakweemaawók kwisingá' hhu'u'umeek, Aako na firiimeek, doóqa inslawaysuú baraá muunaáwók gu gurtláy.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.