Marko 2:12 - Biblía Axweesantá Hhohho' ar Mungú 2004

¹² Siiwadár kilae heedaádá' iri sihhiít, hhaftuuwós guri gagaár, iri ti'iít geeraá muu sleémeero, muu sleémeero iri waa/oó/, Mungú kuri xirfayeemiís, tay káh, «Kureeriiwo gár adoorí aga baloó araaniiká.»

Ya/abtór hho' 1977

¹² Iri sihhiít, hhaftuuwós guri gagaár, iri ti'iít geerá muu sleémeero, tam muu sleémeero iri waa/oó/, Mungú kuri xirfayeemiís, tay káh, “Adoorí aga baloó araaniiká.”

Marko 2:12 Iomraidhean Croise

Matayo 12:23

Boo/aydá' sleémeero iri waa/oó/, tari káh, «Heewí a Garmoó Daudíwoóke?»

Matayo 15:31

Tam boo/aydá' iri waa/oó/ múk afewaslén kuwa ár, iwa axweesi, nee múk aa sol'omiit iwa hhooáy, nee taqooraay iwa hi'iimiti, nee taampu iwa xumiisiya'. Boo/aydá' Mungú múk Israeli kuri xirfayeemiís.

Matayo 9:33

Qoomár neetlaameedá' kawa hingeés, heedá' afa wásl iri axweés. Boo/oó muu iri waa/oó/, iri káh, «Gár adoorí aga araaniiká qooma sleémeerowo baraá Israeliro.»

Matayo 9:8

Boo/aydá' didií dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa dír múkwí haniis.

Marko 1:27

Tari ló'wa waa/oó/ sleémeero, tam tiri yaahamisiyé' tari káh, «Gár adoorí a milá? A intsaahhasár /abéne? Ahaá baré ar aleesleemuwo tam neetlaame gan hara'ayiyín, inós gway ilaiwaawá/.»

Marko 2:11

«Án a kah, sihhiít, hhaftuuwók gagaareek, waátl amór do'ók.»

Luka 13:13

Yesu dabaawós giri gawaá /ameenidá' i qaás. Inós hamtidár kilae iri ganá', Mungú guri xirfayeemís.

Luka 17:15

Ala heé wák dir'ine ngiwa ár adór ira hunguú/, iri kií/ amór Yesu, i hara Mungú xirfayeemiis ar afór ur.

Luka 5:26

Sleémeero tari waa/oó/, Mungú kuri xirfayeemiís, tari da'ayuút ta kaahi, «Laarí muruú waa/oo/amo ugwa araán.»

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Yohana 7:31

Tam adoorihe múk yaariír baraá boo/aydae Yesu guri haratlintií', tari oó', «Ahaá, Krísto bál bindi hardah, layár yaariir ar tír heewí ga baa/ ga tleéhhi?»

Yohana 9:32

Iimír iimu/úngw yaamuwo kángw adoorí kwa axaasiiká oo hee ilaá heé tinda taampu'uumár al laqwaál ngiwa qaytsitisi.

Tlehhema'aá ya/Abuuse 4:21

Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.