Marko 2:1 - Biblía Axweesantá Hhohho' ar Mungú 2004

¹ Alaá deelór niinawe Yesu iri male dáh baraá Kapernaumu, kari axaás adór ir dóí dirií'.

Ya/abtór hho' 1977

¹ Alaá deelór niinawe Yesu iri dáh baraá Kapernaumu malé alé, kay axaás gídaabá i doó i dirii'.

Marko 2:1 Iomraidhean Croise

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Matayo 9:1

Yesu iri tsa/án gawaá miringamo, iri waaraáhh ar baraá tla/ángw tlawi, iri hardáh ay baraá gixsadá' inós i hooti.

Marko 1:45

Ala heedá' iri ti'iít, kangwdá' guri alki/iít ar axweesanoó yaariír, nee guri tsiyaayaaxán, tam Yesu pa/aangw gwa slayká oo iwa dahi baraá gixsa ar geehhooeema. Ala iri tsee/aá wa iwiwiít dír muu iwa kahhi, nee umuúqo diiro kuri i daqaaqáy.

Marko 2:2

Múk yaariír ina burumburiít, tam pa/aangw aa meetiiká dír afkú do'o. Inós axweesantá Mungú gari dir'íní alki/iít.

Marko 3:20

Aluudae Yesu iri waátl amór do'. Boo/aay iri malé burumburiít, tam inooín pa/ángw muruú /ayma kur /ayi kwaa slayká.

Marko 7:17

Yesu dír muu ngiwa geexáy iri dáh baraá do', eeharuuseerós guri yaahás daanduú slaqsaydae.

Marko 7:24

Yesu iri tláy didae ay amór yaamaá inslaawoó gixsár Tiro nee Sidoni. Iri dáh baraá do', asma dír i dirii'i muu mingiwa tsaáhh, ala lu/uto taa aslayká.

Marko 9:28

Qoomár Yesu iwa baraá doó i dáh, eeharuuseerós guri yaahás qoomár nee inós tawa kilooín, «Ahaá, atén neetlaameedá' duuxaro masa harslaaqataán?»

Luka 4:23

Inós giri báy, «Án ngi slaá' kuungá' daxta i slaqsaywí beerá', ‹Aá qwaslaarámo, ti kilók hungu/us.› Nee sleeme án ngi slaá' i malé beera', ‹Muruudá' sleémeero taa axaasaán kudá' taa baraá Kapernaumúr wa tléhh, tleehheek sleeme diirihe baraá ayaawoge.› »

Luka 5:18

Naxés muu nina hardáh, ta heé tiqtír sol'omituú kón, ku loohiis ar hhafta. Geera kun dahaasár wa slaa' baraá do', as kuwa dír geeraawósí qaasi.

Yohana 4:47

Heewí ngiwa axaás adór Yesu nira amór yaamaá Galilayár i hardáh i yaamaá Yahudeár daahh, guri i daqáy, guri harhheehhe'eés tiwa kona', as na/aywós nguwa hungu/uusi, asma i afkú bohoóngwí dirii'.

Tlehhema'aá ya/Abuuse 2:6

Afoodá' kawa axaás, múk yaariír iri burumburiít, tari ló'wa da'ayuút, asma umuúqo heewo mukdá' guna axamiís iwa axweesi ar tsifrirós ar kilá'.