Marko 16:19 - Biblía Axweesantá Hhohho' ar Mungú 2004

¹⁹ Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Ya/abtór hho' 1977

¹⁹ Aako Yesu inooín i axweesanto iwa hhe'eés, kurira tláy gawaá doori, iri iwiít dákw doó /iyáy oo Mungú.

Marko 16:19 Iomraidhean Croise

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Luka 22:69

Ala iimír hamí Garmoó Hee i iwiit bihhaá doó /iyáy awa Munguú aleesleemuú koóm.»

Luka 9:51

Qoomár deeloorós ar kuwa gáwtí huwi iwa tseewuúr, inós iri piíhh iwa Yerusalémúr kay.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 16:28

Aníng an amór Baabá daáhh, nay baraaká' yaamií hardáh, slám án daxta yaamu i geexáw, nay tláw amór Baabá.»

Yohana 17:13

Ala án hamí ni hardáh amoorók. Nee /aymi'iiká' aníng in baraaká' yaamuú wa káh, as qwal/uueé' masók i boo/ baraaine.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 21:15

Qoomár /aymaaro tawa hhe'eés, Yesu Simon Petro guri báy, «Xáy, Símon, garmoó Yohane, án kuúng i slá'a ta kukaákae?» Petro iri oó', «Eeít, Aáko, kuúng a xú' adór án kuúng ur slaá'.» Yesu iri oó', «Deeloó bee/angw'eé' /aymiiseek.»

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Yohana 6:62

Ala a adoomá bál Garmoó Hee bura aandé', bir tsa/a/án amoodá' geera i dahhi?

Tlehhema'aá ya/Abuuse 1:22

iimír qoomaadár baatimisuú Yohane, ay bál Yesu kuwa dirén wa ar tláy, kuwa tsa/aás gawaá doori. I hariín heé wák iwa lamabu'usmoó waasle/uuwós tleehhiiti dinkwa nee atén.»

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 3:21

Kristo Yesu an kudá' aa gawaá doorí kii/, ay dír qoomaadá' i xeer, ar mura' sleémeero kuwa /abeemií ki/isi, adoodá' Mungú ngira qaroó oó' ar loohír aaruuseerós ar hhohho'.

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.