Marko 16:17 - Biblía Axweesantá Hhohho' ar Mungú 2004

¹⁷ Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Ya/abtór hho' 1977

¹⁷ Nee layuuká' ti koná' nee mukdá' gaa haratlintii': Neetlaame ka hingeemiis ar /uuruueé', ta axwees ar tsifrír /aben,

Marko 16:17 Iomraidhean Croise

Marko 9:38

Yohane Yesu guri báy, «Intsaahhatusámo, heé neetlaamér duxuúm ar /uuruú umuuwók una araán. Kuri iigahhataán asma inós nee atén ti alkoomanaaká.»

Luka 10:17

Kudá' mibeeraá faanqw nina ki/iyé' ar qwala/, ta kaahi, «Aáko, tam neetlaame sleeme tina ilaiwawá/ as kuúng.»

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Tlehhema'aá ya/Abuuse 10:46

Asma tawa axweesi ar tsifrír xuawaslen nee Mungú kuwa diidi'iimisi kina axamiís. Petro iri oó',

Tlehhema'aá ya/Abuuse 16:18

Adoorí gari tlehhít deelór yaariire. Ala Paulo iri gurhaamuút, iri alií warqáy, neetlangwdá' guri báy, «Aníng kuúng u báw ar umuú Yesu Kristo, ti'iít baraá lawaalo'oorihe.» Neetlangwdá' iri ti'iít siiwadár kilae.

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 5:16

Muu sleémeero kudá' baraá gixsadaá bihhaá Yerusalemúr i tsewen, tari burumburiít, tiqtuuser'ín kingiri huwahuúw, nee múk neetlaame aa eér, tiqtuuseedá' sleémeero kari hungu/umiís.

Tlehhema'aá ya/Abuuse 8:7

Asma múk yaariír neetlaame aa eér, neetlaameedá' iri /aa/amiín ar afór ur, iri ti'imít. Nee múk yaariír oo tiqtír sol'omit nee taqooraay kuri hungu/umiís sleeme.

1 Korinto 12:10

Nee oo hatlá' aleesleemu gun sláy oo muruú waa/oo/amo nguwa tlehhiiti. Kooko aleesleemu gun sláy oo iwa aariirin. Oo hatlá' aleesleemu gun sláy oo qeeruú dimbadimbé nguwa tsatsahhan. Nee kooko aleesleemu gun sláy oo iwa axweesi ar tsifrír dimbadimbé ar xuawaslen, nee oo hatlá' aleesleemu gun sláy oo tsifridá' ngiwa ilaharmiisi.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 12:30

Nee sleémeero aleesleemu ngu kón'a oo tiqtuuse kawa hungu/utimisi? Nee slám sleémeero ta axweési ar tsifrír xuawaslen? Nee sleémeero tsifriirí ka ilaharmiísi?

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

1 Korinto 14:2

Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó' oo Mungú.