Marko 16:14 - Biblía Axweesantá Hhohho' ar Mungú 2004

¹⁴ Alhhe'eesaywo eeharuuseedá' mibaá nee wak qoomár tawa /ayin gari harati'iít. Giri i gilín asma haratlintaaowasler'ín nee asma muner'ín kawa gawdén, asma inooín axweesantá mukdá' inós gwa ar, alaá niwa baraá /aantár wa waasleé/, kaa haratlintii'iiká.

Ya/abtór hho' 1977

¹⁴ Alhhe'eesaywo eeharuuseedá' mibá nee wak giri harati'iít qoomár tawa /ayin. Giri i gilín asma haratlintaaoowasler'ín nee munér gawden, asma inooín axweesantá mukdá' inós gwa ar, alaá inós niwa baraá /aantár wa waasleé/, kaa haratlintii'iiká.

Marko 16:14 Iomraidhean Croise

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

Matayo 11:20

Yesu muruú xuawaslén oo yaariír guna tlehhiít baraá gixsaduukae, ala múk baraá gixsaduuká' aa hhu'u'unká. Gawaá adoorihe Yesu gixsaduuká' giri naanaáq iri oó',

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Matayo 28:17

Inooín Yesu kuwa ár, kuri i tumbarara'aát. Ala bahh'alé baraaine nina xuruumitiyé'.

Marko 7:18

Giri báy, «Tam kuungá' sleeme gár ta xua' i káhha? A xua'aakáhe adór gár hee aa /aáy muunaáwós ngur meetagaská,

Luka 24:11

Ala axweesanoó /ameenarí aa kát a adór axweesanoó dakti'iima dir'ine, slám kaa haratlintii'iiká.

Luka 24:25

Yesu giri báy, «Kuungá' a tsuwa daktana. Kuungá' tundu tsuwa har gawdén mura' haratlintaaooro, kudá' sleémeero tinda alki/iít nee aaruuse.

Yohana 20:25

Eeharuuseedár hatlá' guri beér, «Atén Aako ugwa araán.» Tomas giri báy, «Aníng barnaxes mulkayduú misumari oo gawaá dabaawós bura ariiká, nee diitsar'eé' bara qaasiiká baraá mulkáydá', nee slám dakw'eé' bura qaasiiká baraá bihhiiwós i alé, aníng a baloó ya/aamaaká.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:27

Aluuwo Yesu iri oó' dír Tomas, «Diitsarók diirí qaaseek, nee dabaaeé' i qaytsiteegáy. Bihhiieé' kwatiiteek dakoge. Insareehhi maweek, ala haratlintií'.»

Yohana 21:1

Aluudae Yesu tiri malé geehhooatís dír eeharuseerós dír tlawtá Tiberia. Nee inós adór tira geehhooatís a tí:

Yohana 21:14

Adoorí a sagaáwa tám Yesu tiwa dír eeharuuseerósí geehhooatís, alaá niwa waasleé/ baraá múk aa qaátl wa ale.

Tlehhema'aá ya/Abuuse 1:3

Alaá gwa'araarose inós tina laqaqán dír ya/abuuse deelo mibeeri tsiyáhh ar layaá dimbadimbé, adór inós ir slaáf. Nee kángw waawuti'iimár Mungú guri axweés.

1 Korinto 15:5

nee Kefa guri harati'iít, nee aluuwo tam kudaádá' mibaá nee tsár.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.