Marko 16:13 - Biblía Axweesantá Hhohho' ar Mungú 2004

¹³ Nee kuká' nay tlayé', kaangw kuri ilahaniís amór kudaá hatlá'. Ala naa malé ya/ani'iiká.

Ya/abtór hho' 1977

¹³ Nee kuká' nay tlayé', iidík kuri haniís amór kudá' hatlá'. Ala naa malé ya/ani'iiká.

Marko 16:13 Iomraidhean Croise

Matayo 28:17

Inooín Yesu kuwa ár, kuri i tumbarara'aát. Ala bahh'alé baraaine nina xuruumitiyé'.

Marko 16:11

Inooín kawa axaás adór Yesu ir slaáf, nee adór inós ngura aán, taa ya/aniiká.

Marko 16:14

Alhhe'eesaywo eeharuuseedá' mibaá nee wak qoomár tawa /ayin gari harati'iít. Giri i gilín asma haratlintaaowasler'ín nee asma muner'ín kawa gawdén, asma inooín axweesantá mukdá' inós gwa ar, alaá niwa baraá /aantár wa waasleé/, kaa haratlintii'iiká.

Luka 16:31

Abrahamu iri oó', ‹Mose nee aaruuse birka iiárií qaasiiká, tam heé naa baraá múk aa qaátl wa waaslee/ gurbu'uto gi aleeslayká.› »

Luka 24:11

Ala axweesanoó /ameenarí aa kát a adór axweesanoó dakti'iima dir'ine, slám kaa haratlintii'iiká.

Luka 24:41

Tam siiwadae kwaa haratlinti'iiká as qwala/, slám tari kumiít waa/oo/amooro. Yesu giri báy, «Muruú /ayma u koondá'a diirihe?»

Yohana 20:25

Eeharuuseedár hatlá' guri beér, «Atén Aako ugwa araán.» Tomas giri báy, «Aníng barnaxes mulkayduú misumari oo gawaá dabaawós bura ariiká, nee diitsar'eé' bara qaasiiká baraá mulkáydá', nee slám dakw'eé' bura qaasiiká baraá bihhiiwós i alé, aníng a baloó ya/aamaaká.»

Yohana 20:8

Eeharusmooduú hatlá' aa geerií hardah, ina dáh sleeme. Gari ár, iri haratlintií'.