Marko 15:46 - Biblía Axweesantá Hhohho' ar Mungú 2004

⁴⁶ Yosefu inqwaarír taa tleéhh ar kitaáni gari tlaáxw, slaqwtá Yesu gari gawaá msalaábár wa aweeriís, gari untsuús ar inqwaaridá', gari qaás baraá baa'ár taa foól gawaá tlaa/a. Tlaa/ár hatlá' gari gwangwaraá' gari afkú baa'aadár tuuntuúk.

Ya/abtór hho' 1977

⁴⁶ Yosefu inqwaarír /awaak gari tlaáxw, guri gawaá msalaábár wa aweeriís, guri untsuús ar inqwaaridá', guri qaás baraá baa'ár taa foól gawaá tlaa/a. Tlaa/ár hatlá' gari gwangwaraá' gari afkuú baa'ár ar tuntuúk.

Marko 15:46 Iomraidhean Croise

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

ISAYA 53:9

Kuna foól dinkwa nee tlakuuse, baraá gwa'araro i dinkwa nee daqaare, tam handá' sagagawduú aa tleéhh i kahhi, tam sleeme afkose /aysantá aa tsaát i kahha.

Matayo 28:2

Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.

Marko 15:45

Geeraharusmoó askaári iwa oó', «Aa gwaá'», Pilato iri ya/án slaqwtá Yesu ngiwa haniisi.

Marko 15:47

Ín Maria Magdalene nee Maria aayór Yose didá' Yesu kway qaás kari xuuxuú'.

Luka 23:53

Slaqwtadá' gari aweeriís, gari untsuús ar inqwaarír ta kitánír tleéhh, gari qaás baraá baa'ár taa baraá tlaa/ár i foól, ar taa baloó tuuaár i qaasiiká.

Yohana 11:38

Yesu iri amoqwaqwadín malé alé baraá muunaáwose, iri hardáh ay dír /aanta. /Aantadá' kaa baraá guruú tlaa/ár i foól, nee tlaa/ár hatlá' kari afkudí qaás.

Yohana 11:41

Tlaa/adá' kari hingeés. Yesu iri gáwtí qaytsiít, iri oó', «Baabá, án kuúng un sluufiís, asma án kuúng iga iiárií qás.

Yohana 20:1

Bál Jumapiíliro Maria Magdalene ina amór /aantár keér matlaatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkú /aantaro.