Marko 15:21 - Biblía Axweesantá Hhohho' ar Mungú 2004

²¹ Loohiro heeko wák oo baraá gixsár káw kuna harakeés as msalaábár Yesu ngiwa gagaari. Umuuwós a Simonú yaamaá Kirene, baabuúín Aleksanda nee Rufo.

Ya/abtór hho' 1977

²¹ Loohiro heeko wák oo baraá gixsár káw kuna /uurutís as msalaabár Yesu ngiwa gagaari. Umuuwós a Simonú ayaá Kirene, baabuúín Iskanda nee Rufo.

Marko 15:21 Iomraidhean Croise

Matayo 27:32

Qoomár tawa ti'imiiti, heeko kuri ár oo yaamaá Kirenér daáhh, umuuwós a Simon. Heewí kuri harakeés as msalaábár Yesu ngiwa gagaari.

Matayo 5:41

Barnaxes hee kuúng uga harakeés kuwa haydoohis kilomiíta wake, haydoohiseek ay kilomiítár tsár.

Marko 15:20

Niqaywo kuwa hhe'eés, inqwaaridá' sirdaa/aat kari hingeés, kuri tlabaawós i ki/ís. Kuri tsee/áy huúw as kuwa kikiiár ay.

Luka 14:27

Hee barnaxes msalaábarós gaa gagaariiká, nee naa aluueé' wa eeharinká, i eeharusmooeé' tleehhitiiká.

Luka 23:26

Yesu kurir tláy, heeko ta bay Simon nee inooín tiri doogiyé'. Inós a heé yaamaá Kirene. Inós i aykú daahh, i baraá gixsár káy. Kuri óh, kuri msalaábár i tsa/aás as ngiwa gagaari alaá Yésú wa ale.

Yohana 19:17

Yesu iri ti'iít, i msalaábarós loohiis, ay dír ta bay «Fartá saga» (tsifrír Ebraniaro ka bay Golgota).

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 2:10

nee múk Frigiár daáhh nee Pamfilia, oo Misri nee oo Libya, múk inslaawoó bihhaá Kirene, nee dahaayér yaamaá Romár daahh,

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Rumi 16:13

Rufo intsihhiisaak. Inós a heé taa tsawaár baraá Aakoowo. Nee aayírós sleeme. Inós a adór aayír'eé' sleeme.