Marko 14:65 - Biblía Axweesantá Hhohho' ar Mungú 2004

⁶⁵ Bahh'alé nguri iimu/uné' i tsuuquungo, kuri ila' tuuntuúk, kway tuu'uút ar kundi'i, ku babay, «Heesíng u tuu'uút ar kundaay a heemá, ooang.» Tam xuumuuse sleeme tlaaqarmaawós giri múx.

Ya/abtór hho' 1977

⁶⁵ Bahh'alé kuri iimu/ún i tsuuquungo, kuri ila' tuntuúk, kway tuu'uút ar kundi'i, ku babay, “Ooang, heesíng u tuu'uút ar kunday a heemá?” Tam mukduú gadiyuuse sleeme tlaaqarmaawós giri muúx.

Marko 14:65 Iomraidhean Croise

2 QOM'I 18:23

Naagáy aarusmo Sedekia garmoó Kena'ana iri sihhiít Mikaya gway tlaaqarmo slaáhh, guri báy, «Adór qeeruú AAKOÓ MUNGÚ aníng ira geexáy niri dirók i axweesantá áy a adoomá?»

ESTA 7:8

Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

YOBU 30:10

Hamí nina aníng wa xinii'iyé', iri kwirhhitiyé', sleeme i hhasliitiaaká, in i tsuuquná'.

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

ISAYA 52:14

Múk yaariír inós kuwa ár tana waa/oó/, asma gitsee/aawós kaa ló'wa mulkúy sleeme u heé wa tsahhká.

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

MIKA 5:1

Ala daxta kuungá' múk Yerusalemu, ti haraki/ise' adór daqooroó slaqwara, asma gixsarhúng kaa harweér nee múk slaqwara. Inooín geeraharusmoó Israeli kun tlaaqarmo slaahh ar hhara.»

FAARO 12:14

Ala AAKOÓ MUNGÚ Mose guri báy, «Barnaxes kaa gitsee/a i tsuúq nee baabuúwós, xáy kaa mureekeesiikáhe deelo faanqwe? Gimáy, baraá xafto tsee/ií duuxeek deelo faanqwe, daqaní ni baraá xáftí ki/.»

Matayo 27:30

Kuri i nitsimiít, daaidá' kari gawaá dakós wa taataáhh, kuri saga muúx.

Marko 10:34

Inooín kway niqín, kway i tsuuqún, kway muux ar qaw'i, kway gaas. Deelo tám bira waaráhh nay waaslee/.»

Marko 15:19

Kuri saga muúx ar daa'a, kuri i tsuuqún, ta hara geeraawósí tumbarara'amiit, as kuwa ilaiwawa/i ar niqaay.

Yohana 18:22

Yesu adoorí ooaro ngiwa hhe'eés, xuumusmooko wák oo didá' wa sihhmiít, Yesu guri tlaaqarmo slaáhh, iri oó', «Kaahamusmoó úr oo Mungú mus qítl adoosíng beemuuwo?»

Yohana 19:3

Kuna i tseewúy, kuri taaqweemiís ta kaahi, «Laawaay, Waawutmoó múk Yahudi.» Kuri tlaaqarma' muúx.

Tlehhema'aá ya/Abuuse 23:2

Anania, kaahamusmoó úr oo Mungú mukdaádá' aa bihhiwós i sihhiit guri báy, «Heesíng afa slahhaak.»

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.