Marko 14:49 - Biblía Axweesantá Hhohho' ar Mungú 2004

⁴⁹ Umuúqo baalaaro án a dirhúng i dirií' baraá Doó Munguhe, niwa intsaahhatimaamis, ala kuungá' i uhahiinda'aaká. Ala tí in tleehharút asma Gooi iwa bo/.»

Ya/abtór hho' 1977

⁴⁹ Umuúqo deelooro án a dirhúng i dirií' baraá Doó Munguhe, niwa intsaahhatimaamis, ala kuungá' i uhahiinda'aaká. Ala tí in tleehharút asma Gooi iwa bo/.”

Marko 14:49 Iomraidhean Croise

Matayo 1:22

Tí sleémeero ina tleehharút, as tidá' Aako aa oó' ar loohír aarusmo iwa bo/, iwa kaahi,

Matayo 26:54

Ala án adoorí bara tleéhh, adór Gooi ir bo/ a adoomá, tí kah muruuwí gár kuwa hariím aqo in tleehharuut.»

Matayo 26:55

Siiwadár kilae Yesu boo/aay guri báy, «Ahaá baré ina i haratleeré' ar paangadu nee guhhuli'i, adór múk fisusmoó oohár áw. Umuúqo baalaaro aníng a baraá Doó Mungú wa iwaawiít niwa intsaahhatimaamis, ala kuungá' i uhahinda'aaká.

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Marko 10:1

Yesu didaádae iri tláy, iri hardáh yaamaá Yudea ay gayuú Yordani. Boo/oó yaariír guri male i burumburiít, giri intsaahhatimís adoodá' /iisí i /imamiisi.

Marko 11:27

Tari malé Yerusalemúrií hardáh. Qoomár iwa baraá Doó Mungú wa hi'iimiti, kaahamuusér uren ar Mungú nee intsaahhatuusér hara'ayár Mosewo nee bariisero kuna i daqáy,

Marko 12:35

Qoomár Yesu iwa baraá Doó Mungú wa intsaahhatimisi, gina báy, «Intsaahhatuusér hara'ayár Mose masta kaahi, Kristo a Garmoó Daudi.

Marko 14:48

Yesu iri oó', «Misna hardaté' amor'eéní ale ar paangadu nee guhhuli'i adór múk fisusmoó oohár áw?

Marko 14:50

Eeharuuseerós guri geexeér, sleémeero tari goów.

Luka 19:47

Nee inós ina baraá Doó Mungú wa intsaahhatimís umuúqo deelooro. Ala kaahamuusér uren ar Mungú nee intsaahhatuusér hara'ayár Mose, nee múk urén oo geeraharuuse loohi kana leelehhiít ar Yesu kur gaasi.

Luka 22:37

Asma án a kah, gooirí aqo in bó/ dir'eene, tidá' kah, ‹Kuna harafaár dinkwa nee tlakuuse.› Tidá' taa gooín gawaaeé' alé aa naká/ boo/eesaro.»

Yohana 10:23

Qoomaadae Yesu ina baraá Doó Mungú wa hi'imiít, baraá matla/ángw Solomon.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 7:37

Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.