Marko 14:44 - Biblía Axweesantá Hhohho' ar Mungú 2004

⁴⁴ Kudá' Yesu gu sakií/, gaa layár i laqán gina báy, «Kudá' án ni ma'aas an inós. Ku otá' ku harmagahhá', ku hubá'.»

Ya/abtór hho' 1977

⁴⁴ Kudá' inós gu sakií/, gaa layár i laqán gídaabá, “Kudá' án ni ma'aas an inós. Ku otá', ku hubá', ku harmagahhá'.”

Marko 14:44 Iomraidhean Croise

TI'INAANGW 12:13

Tseereedá' an layár maraá kuungá' ti diria' ngi laqaam, aníng bar tseere aga sa ár kuungá' nun waawaraáhh as tsu/uta nuwa sleeraaká, qoomár bar tsu/uút baraá yaamaá Misrír wa ale.

AXWEESANOÓ SAGALOOA 27:6

Mulqumoó inkihhím un iigahhaat, ala wakusmo tam u ma'amamiisi aqo al/ayma.

Matayo 26:46

Tlawaaré', diirí geexawaare'. Ga/aawaagáy, kudá' aníng i sakií/ naa tseewúy.»

Marko 14:43

Qoomaadár kilá' iwa adoodií kahhi, Yuda nay hardáh, oo wák baraá eeharuuseedá' mibaá nee tsare. Boo/oó yaariír oo paangadaá koóm, nee guhhuli'i, nee inós ti koná'. Tindi amór kaahamuusér urén ar Mungú daahh, nee amór intsaahhatuusér hara'ayár Mosewo, nee bariise.

Marko 14:45

Yuda iwa hardáh iri amór Yesu i huwís, iri oó', «Intsaahhatusámo.» Guri ma'aás.

Tlehhema'aá ya/Abuuse 16:23

Nee kiwa hhe'eés muxtár yaariire, kiri kwaáhh baraá doó tseegamo. Xuumusmooduú doó tseegamór ga/áw kuri báy, «Mukwí ló'wa xuumeek.»

Filipi 1:28

Wakuuserhúng ma da'ayuumitaara' baraá umuúqo gaaro. Kuungá' bar pihh'uumár koondá', gaarí a laya dir'ine ar inooín iwa qwaariya'. Ala dirhunge a laya adór kuungá' tar ba/aandá'. Nee layaarí amór i dahh a amór Mungú inósuú kilá'.

2 Tesalonike 3:17

Anuú Paulo gooirír alhhe'eesaay ngina gooiím ar dakw'eé' oo kilá'. Gaarí an layar'eé' baraá umuúqo barwár ni gooiima adór amór i dahh tar amor'eé'. Adoorí an adór án nir gooaaiim ar dakw'eé'.

YOSHUA 2:12

Gimsé' daxta lo'o /ayaak ar umuú AAKOÓ MUNGÚ as dooeé' kuwa hhooeemií tlehha' ar adoodá' aníng naa dirhúngií tleéhh, nee layár geehhoo' laqaamaré'.