Marko 14:41 - Biblía Axweesantá Hhohho' ar Mungú 2004

⁴¹ Niwa sagaáwa tám wa kií/, giri báy, «A kumitá'a gu'uteero asma tawa hungu/usa'? A ido. Qoomaadá' aa xeér. Ga/aawaagáy, Garmoó Hee ku qaas gawaá dabaá múk tlakuuse.

Ya/abtór hho' 1977

⁴¹ Niwa sagaáwa tám wa kií/, giri báy, “A kumitá'a gu'uteero asma tawa hungu/usa'? A ido. Qooma aa xeér. Ga/aawaagáy, Garmoó Hee ku qaas gawaá dabaá múk tlakuuse.

Marko 14:41 Iomraidhean Croise

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

1 WAAWITÁ 22:15

Naagáy Mikaya iwa hardáh dír geeraá waawutmo, waawutmo guri yaahaás, «Xáy, Mikáya, a slaqwarár awaána amorqár Ramot-Gileadi laqaá daqawanaaká?» Inós iri oó', «Tláw slaqwara aweek, asma AAKOÓ MUNGÚ ngi gawaá dabaawók i qaas.»

2 WAAWITÁ 3:13

Elisha waawutmoó Israeli guri yaahaás, «Aníng nee kuúng dinku'uumár ta koomaan i deéro? Tláw amór aaruusedár baabuúwók nee aayoorók.» Waawutmoó Israeli iri oó', «Aasla'áy AAKOÓ MUNGÚ an heé ateéká' tám awa waawitá taa ateet, as tiwa qaasi baraá dabaá waawutmoó Moabu.»

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

Matayo 26:2

«A xuá' deelo tsár bira waaráhh, a deeloodár ur ar Pasaáka, nee Garmoó Hee ku sakii/ as kuwa kikii'i.»

Marko 14:10

Eeharusmoodá' ta bay Yuda Iskarioti, oo wák baraá eeharuuseedár mibaá nee tsare, iri tláy amór kaahamuusér uren ar Mungú as Yesu nguwa dir'ínií saki/i.

Marko 14:18

Qoomár inooín tawa /ayin, Yesu giri báy, «Án a kah, heé wák dirhunge oo nee aníng al/ayiimá', án i sakii/.»

Marko 14:35

Iri geerií kumiít gár niinawe, iri tumbarara'aát, iri firiirín iwa kaahi: Barnaxes i ya/aán qoomaarír slahh'amu iwa pa/.

Marko 14:40

Niwa kií/, naxés naa malé guiyé', asma ilaaín naa ilu'u'uyé' gu'uteero. Gár ku bay sleeme kaa xuiiká.

Marko 14:42

Tlawaaré', diirí geexaware'. Ga/aawaagáy, kudá' aníng i sakií/ naa tseewúy.»

Marko 7:9

Aluuwo inooín giri báy, «Ka hhoo'. Loohír hhoo' aga sleeré' ar hara'ayár Mungú kar siaasia', as kahhó' uunuuhúng kiwa ota'.

Marko 9:31

asma inós i eeharuuseerós intsaahhatimis. Gana báy, «Garmoó Hee ku qaás baraá dabaá muu, inooín kway gaas. Bar gaasaro kwa hhe'eés, deelo tám bira waaráhh i waaslee/.»

Yohana 12:23

Yesu inooín giri báy, «Siiwa aa xeér ar Garmoó Hee kuwa xirfayeesi.

Yohana 12:27

«Muunaáeé' daxta aa amoqwaár. Aníng hám ma oó'? An oóa, ‹Baabá, án ba/amisáng baraá siiwarihe.› Ala adoorí a ooaaká, asma gaarí an gár siiwarí ngisa i hardáh.

Yohana 17:1

Yesu axweesanaywí ooaro nguwa hhe'eés, iri qaytsiít gawaá doori, iri oó', «Baabá, qooma naa hardát. Garmaawók xirfayeeseek, as Garmaawók kuúng uwa xirfayeesi sleeme,

Yohana 7:30

Gawaá adoorihe kuri oohár wa slaá', ala heé gwa oh i kaahh, asma qoomaarós aa xeeriiká.

Yohana 8:20

Yesu axweesanaywí guna axweés qoomár iwa baraá Doó Mungú wa intsaahhatimisi, didá' sandakmoó ilahhooa i dirii'. Ala heé Yesu ooharo gwa qiitl i kaahh, asma qoomaarós aa xeeriiká.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

HAR'OHUUSE 10:14

Tlawsé' munguihúng kudaá hatlá' taa tsawdé' i /aa/aá awaak, nu /iisiye' baraá slahh'amuuhunge.»