Marko 14:31 - Biblía Axweesantá Hhohho' ar Mungú 2004

³¹ Petro iri ak kumiít axweesanto i kaahi, «Barnaxes gár tiwa hariím a tawa alqatlaan nee kuúng, tam adoorihe u baloó tlaankaaká.» Kudaá hatlá' sleémeero adoodá' kay oín.

Ya/abtór hho' 1977

³¹ Petro iri ak kumiít axweesanto i kaahi, “Barnaxes gár tiwa hariím a tawa alqatlaan nee kuúng, tam adoorihe u baloó tlaankaaká.” Kudá' hatlá' sleémeero adoodá' kay ooín.

Marko 14:31 Iomraidhean Croise

1 WAAWITÁ 11:22

Ala Farao iri oó', «Gaa a milá ar naa /itiím, kuúng tawa ki/imaá sla' baraá ayaawók?» Hadadi Farao guri ló'wa firín, iwa kaahi, «Gár án ni slaa' a tí kilós, in geemeér niwa tlaw.»

2 WAAWITÁ 8:13

Hasaeli iri oó', «Anuú sagadiyusmoowók oo adór seeoó tawo oo /uuruú koomaaká, muruusíng urén adór ngur tleehh a adoomá?» Elisha guri mu/aywaáts, «AAKOÓ MUNGÚ ngaa laqán kuúng tu waawutmoó múk Aramu wa qaas.»

WARA'AMI 30:6

Qoomár umuú gaaro iwa qoón ana gurií oó', aníng ti baloó dingitisiiká.

TI'INAANGW 19:8

Mukdá' sleémeero axweesanaydá' kuri ya/án ar wakleelu'uuma, tari oo', «Axweesanaysíng sleémeero Mungú naa kuúngí oó', u adoosír boo/eesaán.» Mose kaangwí guri ki/ís amór AAKOÓ MUNGÚ.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

Matayo 10:33

Ala umuúqo heewo oo án iga sa tlaank dír geeraá muko, aníng inós u sií' dír geeraá Baabuúeé' kuduú gawaá dooriiwo.»

Marko 10:39

Kuri báy, «Adoosíng a aleeslawaán.» Yesu giri báy, «Xooslmoodá' aníng ni wah, kuungá' u watá', nee baatísmoodá' aníng tir baatisi, kuungá' u qitlá'.

Marko 14:30

Yesu guri báy, «Án a kah, xweeraakaá laarihe konkomoó tsár iwa uui, án kuúng iga sagaáwa tám wa satlánk.»

Marko 14:32

Tari hardáh ay dirka ta bay Getsemane, Yesu eeharuuseerós gari báy, «Qoomár aníng bar fiririím kuungá' diirí iwitaak.»

Luka 23:23

Ala tana tseeamín ar afór ló'wa ur ta kaahi, «Kikiieek!» Afor'ín tidá' iri baaliín.

Yohana 13:37

Petro iri oó', «Aáko, asma milá án kuúng eeharto mus aleeslawaaká hamí? Aníng slafingw'eé' u haniís as daanduuwók.»