Marko 14:21 - Biblía Axweesantá Hhohho' ar Mungú 2004

²¹ Asma Garmoó Hee inqo tawo amór gwa'arárií hi'iit adoodá' kara gooín, ala heedaádá' Garmoó Hee gu sakií/, a tsaxwaawós. Alók geeraawo a tsiní bar inós kuna laqwaliiká.»

Ya/abtór hho' 1977

²¹ Asma Garmoó Hee i amór gwa'arár i hii'iit adoodá' kara gooín, ala heedá' Garmoó Hee gu sakií/, a tsaxwa sakwasleemarós ngiwa wa /akuuti. Inós tsiní alók geera burkwa laqwaliiká.”

Marko 14:21 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

WARA'AMI 55:15

Kuká' i gaanslár qatliye', i slafi /eetiye' ay baraá gi'i, asma tlakweema naa hatsiyé' baraá maray'ine nee baraá muner'ine.

ISAYA 52:14

Múk yaariír inós kuwa ár tana waa/oó/, asma gitsee/aawós kaa ló'wa mulkúy sleeme u heé wa tsahhká.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 26:54

Ala án adoorí bara tleéhh, adór Gooi ir bo/ a adoomá, tí kah muruuwí gár kuwa hariím aqo in tleehharuut.»

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Marko 14:20

Giri báy, «A heé wák baraá kuungaáká' mibaá nee tsare, oo nee án altikimiisá' baraá isaangi.

Marko 14:22

Qoomár tawa /ayin Yesu mukatmo guna óh, iri sluufiís, guri parhhamiís, guri eeharuuseerós i haniís, iri oó', «Oohaak, gaarí an slaqwte'eé'.»

Marko 14:49

Umuúqo baalaaro án a dirhúng i dirií' baraá Doó Munguhe, niwa intsaahhatimaamis, ala kuungá' i uhahiinda'aaká. Ala tí in tleehharút asma Gooi iwa bo/.»

Luka 22:22

Asma Garmoó Hee i gwa'arár áy, adoodá' Mungú ngira tsabín, ala heedaádá' gu sakií/, a tsaxwaawós.»

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

Tlehhema'aá ya/Abuuse 1:25

asma pa/aangwí nguwa oohi nee gadiyeérír ya/abusi'iima, tí Yuda aa dakuús, iri amoorós i tláy.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.