Marko 13:8 - Biblía Axweesantá Hhohho' ar Mungú 2004

⁸ Asma xooro i slaqwarár eér amór xoororqá', nee waawuti'iima i slaqwarár eér amór waawuti'iimár hatlá'. Yaamaá yaariire kunseeli i ti'ít, slám giyeé ni tleér. Tí sleémeero an iimu/úngw slahh'amu.

Ya/abtór hho' 1977

⁸ Asma xooro i slaqwarár eér amór xoororqá', nee waawutmoó xooro i slaqwarár áy amór waawutmoó xoorór hatlá'. Yaamaá yaarire kunseeli i ti'ít, slám giyeét ni tleér. Tí sleémeero an iimu/úngw slahha'amu.

Marko 13:8 Iomraidhean Croise

2 QOM'I 15:6

Aahhír yaariir ina háts baraá yaamuwo, xooro nee tiqá' tan slaaqw, gixsa nee tiqá' tan slaaqw, asma Mungú muu guna amoqwanoó slahh'amaayér dimbadimbé huúw.

WARA'AMI 48:6

Daaraxaay giri áy didaádí ale, tari daandeemo feehhamiít daero, slahh'amuú adór kuquú /ameenír xwayla nguri slayé'.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 37:3

Nguri bayé', «Waawutmo Hesekia i kaahi, ‹Laarí a baalár gurhaami, nee ar tiwa iigahhmiiti, nee ar tiwa mureekeemisi, atén a adór /ameenír xwaylár slaa', ala /uuruú ir /uumpu'us i kaahh.

YEREMIA 13:21

Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 25:32

AAKOÓ MUNGÚ Aleesleemusmo i kaahi, «Qaytsiité', amotlakwe i hardát dír xoorór wák, aluuwo ay dír xoorór hatlá', bambaao kingi tlees baraá ku/uyaá yaamuú wá ale.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 49:24

Múk Damasko ta diqya' tsatmiit, ta alií /akumiit, daér yaariir gaa eér, ta baraá slahh'amu nee gurhaamír yaariir adór /ameenír dír asltá xwayla.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 6:24

Múk Israeli tari oó', «Atén kangw'ín ugwa axaasaán, dabaarén na tsatmiitiyé', amotlakwe taa sleér, slahh'amuú adór kuquú /ameenír xwayla taa sláy.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

SEKARIA 14:13

Baalaadae AAKOÓ MUNGÚ mukdá' gu daér yaariír ar áy, umuúqo heewo kuqá' gu i haratláy.

Matayo 24:8

Muruuwí sleémeero an iimu/úngw slahh'amu.»

Marko 13:7

Kuungá' kángw slaqwara bura axasé', nee tsimaahhír slaqwara, ma da'ayuutara', asma muruuwí niqo geerií hardah, ala alhhe'eesáydá' aa xayká.

Marko 13:9

«Kuungá' ti harmagahhe' asma tundu huwahuuw baraá maraá kwasleema, nee baraá maraá saaliingo tundu muux. Kuungá' sleeme tundu huwahuuw dír geeraá ga/aawuuse, nee dír geeraá waawitá asma aníng, as iwa dir'ínií lamabu'uunda'.

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

Geehhoeemaá 6:4

Faraásír hatlá' ar daa/aat adór asltá wa ale niri ti'ít. Nee heé faraásirí gaa i tsa/an kuri aleesleemuú i haniís oo wayda nguwa hingeesi baraá yaamuwo, as muu tiwa kilooín tsu/i. Nee paángár ur kari inós i haniís.