Marko 13:4 - Biblía Axweesantá Hhohho' ar Mungú 2004

⁴ «Atén i ooang, kangwsíng i tleehharuuti a xaylá, nee layár ta ari a umós, qoomár kaangwí birna tseewúy?»

Ya/abtór hho' 1977

⁴ “Atén i ooang, kangwsíng i tleehharuuti a xaylá, nee layár ta ari a umós, qoomár kaangwí birna tseewúy?”

Marko 13:4 Iomraidhean Croise

DANIELI 12:6

Heedaádá' aa bihhaá gáwtí sihhiit awa yaae, kudá' tlabaá neewór kitaánidá' hhohho' ngaa tsiit, nguri yaahaás nguri báw, ‹Muruuwí i kumamiti ay xaylá iwa faakiiká?›

DANIELI 12:8

«Aga mak tawo axaás, ala gár naa tsaáhh i káhh, ngway male yaahaás, ‹Aakooeé', alhhe'eesoó muruuwí sleémeero a adoomá?›

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Marko 13:3

Tam qoomár Yesu iwa iwiít gawaá tloomár xaaikaari ta babay seituúni, iwa amór Doó Mungú i xumiisi, Petro nee Yakobo nee Yohane nee Andrea tawa kilooín, kuri yaahaás kuri báy,

Marko 13:5

Yesu iri dir'ínií axweés iwa kaahi, «Ti harmagahhe', hee munduwa al/aáy.

Luka 21:7

Yesu kuri yaahaás, kuri báy, «Intsaahhatusámo, muruuwí xaylá i tleehharuuti? Nee qoomár muruuwí birna tseewúy, layár kur tsaahhaan a gaalá?»