Marko 13:27 - Biblía Axweesantá Hhohho' ar Mungú 2004

²⁷ aluuwo malayke gari ya/aaw, badu tsiyahhaawo awa yaamu, iimír alhhe'eesaywí wa tleemu ay kuqá', as mukós kudá' aa tsawaár nguwa burumbut.»

Ya/abtór hho' 1977

²⁷ nee malayke ngiwa ya/aawi, mukós kudá' aa tsawaár kuwa burumbuuri umuúqo diiro baraá yaamuuwo, /uwa nee da/aawe, /iiya nee basko.”

Marko 13:27 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

ISAYA 65:9

Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

SEKARIA 2:6

AAKOÓ MUNGÚ i kaahi, «Gimsé', guwaaré' amór yaamaá /iikú wa alé, amoodá' aníng kuungá' nuy tlatlahhaás badu sleémeero.

Matayo 12:42

Bál deelór sakwasleemaro waawuto'ór basa i sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Solomon ngiwa axaasár eer. Ala diirihe heé úr i deer oo Solomon gu baá/.»

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Matayo 13:49

Adoorí an adór tleehharuut bál deelór alhhe'eesoó yaamuwo. Malayke nin hardát, mukdá' tlákw guri amór saáwí parátl dír kudá' hota ganaa'a.

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Marko 13:28

«Slaqsoó /aantsí nu intsaahhatisi. Qoomár loo/orós bira páhh, ar /aben nay harmá/, a xuá' adór tluwaay nira nakaá/.

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

Rumi 8:33

Heé mukdaádá' Mungú aa tsawaár gu sakwasleemuút a heemá? Mungú an kudá' gi gan'amuú i harafadiít.

DABE 30:4

Tam geera kuungá' tunda diyaa/i baraá ku/uyaá yaamu awa saawá', AAKOÓ MUNGÚ, Munguúhúng nun burumbuúr nuri ki/is.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

2 Tesalonike 2:1

Ala hám daxta, hháe, gár ni axwees a daanduú kángw hardahamuú Aakoorén Yesu Kristowo, nee adoodá' atén tar dír geeraawós i burumburiitaan, atén kuungá' nun firiimaán,

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.