Marko 13:11 - Biblía Axweesantá Hhohho' ar Mungú 2004

¹¹ Bar kuungá' tunda uhín, tunday huúw as tunduwa sakwasleemuuti, gár ta oa' ma geerií leelehhiitara', ala tidá' siiwadaádae tindi haniisi na ooaak. Asma heé axweés qoomaadae a kuungaeeká, a Qeeruú hhoohhoó' oo Mungú.

Ya/abtór hho' 1977

¹¹ Nee kuungá' burtunda uhín, tunday huúw as tunduwa sakwasleemuuti, gár ta ooa' ma geerí leelehhiitara', ala tidá' siiwadaádae tindi haniisi na ooaak. Asma heé axweés qoomaadaádae a kuunganeeká, a Qeeruú hhoohhoó'.

Marko 13:11 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Marko 13:12

Hhiya' hhiyaawós gu sakii/ kuwa gaasi, nee baabá na/aywós gu sakii/, na/ii nee xwaylitér'ín ti dakuusiyá' sleeme, xwaylité kay tsuu/.

Marko 13:9

«Kuungá' ti harmagahhe' asma tundu huwahuuw baraá maraá kwasleema, nee baraá maraá saaliingo tundu muux. Kuungá' sleeme tundu huwahuuw dír geeraá ga/aawuuse, nee dír geeraá waawitá asma aníng, as iwa dir'ínií lamabu'uunda'.

Luka 21:12

Ala dír muruuwí sleémeero ira tleehharuutiiká, muu kuungá' nu uhín nee nu slahh'eemiis. Inooín nun huwiyá' amór maraá saaliingw, asma tunduwa sakwasleemuuti, nee tunduwa tsegiiti. Tundu geeraá waawitá i huuw, nee geeraá ga/awuuse, as aníng.

Yohana 3:27

Yohane iri oó', «Hee gár i slay i káhh birkinga haniisiiká amór Mungú wa ale.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tlehhema'aá ya/Abuuse 6:15

Mukdá' sleémeero aa iwiit dír kwasleema, Stefano kuri ilií duxún. Gitsee/awós kiwa ár, naxés a adór gitsee/aá malaykamo.

Tlehhema'aá ya/Abuuse 7:55

Ala Stefano i haats Qeeruú hhoohhoó' oo Munguhe, ilaawós giri kiririhhín gawaá doori, xirfuú Mungú guri ár, nee Yesu aa sihhiít bihhaá dákw doó /iyáy oo Mungú.

1 Korinto 2:13

Qoomár atén kaangwí bur axweesaán, u axweesanaaká ar axweesanoó sagalooár muu, ala un axweesaán ar axweesanaydá' Qeeru naa atén i intsaahhatimís. Asma atén muruú Qeeru un axweesaán ar axweesanoó Qeeru.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.