Marko 12:40 - Biblía Axweesantá Hhohho' ar Mungú 2004

⁴⁰ Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Inooín sakwasleemár ur ngi slayá'.»

Ya/abtór hho' 1977

⁴⁰ Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kudá' sakwasleemar'ín ka ur.”

Marko 12:40 Iomraidhean Croise

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:14

Kuungaá intsaahhatuusér hara'ayár Mose nee múk Farisayo awa hhaahhafuuse a tsaxwaahúng. Asma kuungá' muruú kwaeeli un /aa/agá', nee firór yaariir a firaariindá' ar hhaahhafiingw. Gawaá adoorihe sakwasleemarhúng ka ak ur.]

Matayo 23:33

Kuungá' a dayshe, slám a na/aá daysheedá' uren. Kuungá' sakwasleemár baraá asltá baloó gwa'aaká adór kar ilagoba' a adoomá?»

Matayo 6:7

«Kuungá' bar Munguú firiiriindá', /ayma'aá yaariir mir firiiriimaara' adór múk xoordaá hatlá'. Asma inooín ngi xuiya' ki iiárií qaas nee Mungú asma /aymi'ii'ín kudá' yaariir.

Marko 12:39

Inooín kiteeraá geera ngi tsawdaaditiyá' baraá maraá saaliingo nee doó kiwa dahi'isi muruú /aymaaro.

Luka 20:47

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kuká' sakwasleemár ur ngi slayá'.»

2 korinto 11:20

Kuungá' a qiqtliindá' hee kuungá' burna lawaale tleéhh, laqaá hee bira daqaari'iít ar daqaari'iimarhúng, laqaá hee bur naa ohín, nee laqaá hee bur naa waaqaqaá', nee laqaá hee bur naa tlaaqarma' muúx.

2 Timoteo 3:6

Asma baraá múk adór kwihe, hhawaate i dayá' awa ti dahamiisá' baraá maraá múk i alé, nee /ameenár daktana kawa afa /aslin, tidá' tlakweema naa al'iilouyé', nee kiwa uuruxun nee ilatleerír dimbadimbé.