Marko 12:37 - Biblía Axweesantá Hhohho' ar Mungú 2004

³⁷ Daudi inósuú kilá' gun Aakoowós ar ateetín. Daxta adór tar garmaawós?» Axweesantá Yesu boo/oó yaariír gana axamiís ar qwala/

Ya/abtór hho' 1977

³⁷ Daudi inósuú kilá' gun Aakoowós ar ateetín. Daxta adór tar garmaawós?” Axweesantá Yesu boo/oó yaariír gana axamiís ar qwala/.

Marko 12:37 Iomraidhean Croise

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 21:45

Kaahamuusér uren ar Mungú nee múk Farisayo slaqsi'iiwós kudá' kiwa axaás, kari tsaáhh adór múk i kaahi tar inooín.

Matayo 21:46

Gawaá adoorihe Yesu kuna loohi leelehhiít ar kur oohi, ala boo/oó muu kuri da'ayuút, asma Yesu muu gwaa tsaáhh adór tar aarusmo.

Luka 19:48

Ala gár ta tleehhi kaa slayká. Asma muu sleémeero axweesanaywós guna ló'wa slaá' axmisuwo.

Luka 21:38

Muu sleémeero matlaatleero tan tseewa tlaatláy, as axweesantós kawa axamiisuú ay baraá Doó Mungú.

Yohana 12:9

Múk yaariír oo Yahudi kaangw nguwa sláy adór Yesu ir amoodá' i dirií', tari hardáh. Ala gár nisa hardihiyé' a Yesu kiloseeká, ala as Lasaroodá' Yesu aa waasle/atís baraá múk aa qaátl wa ale nguwa ariya' sleeme.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»