Marko 12:24 - Biblía Axweesantá Hhohho' ar Mungú 2004

²⁴ Yesu giri báy, «Aga qwadi'iikáhe adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Ya/abtór hho' 1977

²⁴ Yesu giri báy, “Aga qwadi'iikáhe adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Marko 12:24 Iomraidhean Croise

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

HOSEA 6:2

Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

HOSEA 8:12

Aníng tam hara'ayár kumér mibaangw a amor'ín i gooima, ala inooín kan harafaar adór gár xuaawasl.

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Marko 10:27

Yesu giri i qaytsiít iri oó', «Muu ga aleeslayká, ala dír Munguhe a adoosingeeká, asma dír Munguhe umuúqo gaaro i ya/aán.»

Marko 12:23

Bál waasle/uuwo /ameenidá' a harér heemá? Asma inooínaadá' faanqwamaawo tana alhoót nee hareedá'.»

Marko 12:25

Asma alaá waasle/uuwo muu a adór malaykér gawaá doori, slám duuxo i káhh.

Luka 1:37

Asma dír Munguhe gár ya/aamaaká i káhh.»

Yohana 20:9

Asma inooín tidá' Gooi i kat kaa tsaahhiiká, tidá' kah, inós gár kuwa hariím aqo in waaslee/.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Efeso 1:19

Slám kawa xua' hhoohhooaarír uroó aleesleemuuwós baraá ateéká' haratlintatia'a.

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.