Marko 12:17 - Biblía Axweesantá Hhohho' ar Mungú 2004

¹⁷ Yesu giri báy, «Ar waawutmoó múk Roma amoorós ti hanise', nee ar Mungú amór Mungú ti hanise'.» Kuri ló'wa waa/oó/.

Ya/abtór hho' 1977

¹⁷ Yesu giri báy, “Ar waawutmoó múk Rumi amoorós ti hanise', nee ar Mungú amór Mungú ti hanise'.” Kuri ló'wa waa/oó/.

Marko 12:17 Iomraidhean Croise

AXWEESANOÓ SAGALOOA 23:26

Garmaaeé', muunaáwók haniisang, adoorí aníng nir hoot u qwal/atis.

AXWEESANOÓ SAGALOOA 24:21

Garmaaeé', AAKOÓ MUNGÚ nee waawutmoowo ilaiwawa/eek, mukdá' amoowásl mu aleealuusaar.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

Matayo 22:22

Adoorí kawa axaás tari waa/oó/, kuri geexáy tari tláy.

Matayo 22:33

Boo/aay adoodá' ngiwa axaás, intsaahhatimisuuwós kuri ló'wa waa/oó/.

Matayo 22:46

Ala heé /aymu tlaxwto gwa aleeslay i kaahh. Nee iimír baalaadae heé yaahasaro gwa qiitl i kaahh.

Matayo 8:10

Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Marko 12:16

Kuri huúw. Giri báy, «Slaqsaywuú gawaaká' nee gooirihe awa heemá?» Tari oó', «Awa waawutmoó múk Roma.»

Marko 12:30

Nee kuúng Aakoó Munguúwók na slaeek ar muunaáwók sleémeero, nee ar qeeruuwók sleémeero, nee ar fuquraangók sleémeero, nee ar /uuruuwók sleémeero.›

Luka 20:25

Yesu giri báy, «Ar waawutmoó múk Romár wa hariim, amoorós ti hanise', nee ar Mungú wa hariim, amór Mungú ti hanise'.»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

1 Petro 2:17

Muu sleémeero ilaiwawa/aak. Hhae sla'asla'aak, Mungú ilaiwawa/aak. Waawutmo ilaiwa/ame ti hanise'.