Marko 12:13 - Biblía Axweesantá Hhohho' ar Mungú 2004

¹³ Múk Farisayo bahh'alé nee oo Herode kuri amór Yesu i ya/aáw as kuwa yaahamiisi ar iiara, as kuwa oohár wa slai.

Ya/abtór hho' 1977

¹³ Múk Farisayo bahh'alé nee oo Herode kuri amoorós i ya/aáw as kuwa yaahamiisi ar iiara, as kuwa oohár wa slai.

Marko 12:13 Iomraidhean Croise

WARA'AMI 140:5

Múk tlákw ina tsaaxweelírí qaasiyé' ngiri lu/iyé', nee him'e ngaa qaasiyé' adór baratsufaay wa aleeró, tsaaxweeli ngaa qaasiyé' ngiri lu/iyé' afaá loohi, as tiwa oohár wa slai.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

Matayo 16:6

Yesu iri oó', «Qaytsité', ti harmagahhe' nee gadaádá' ta mikaátér sluuftimiisi ar múk Farisayo nee ar múk Sadukayo.»

Marko 12:14

Tawa dirós i hardáh, kuri báy, «Intsaahhatusámo, a xuaán adór kuúng tar heé ló', tam kángw uroó hee u yaahamiská, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Roma kuwa koódírií hanisaan, laqaá i gan'aká?

Marko 3:6

Siiwadár kilae múk Farisayo nee múk Herodewo tari ti'iít, tari kwasleemuút daanduú Yesuwo, as adór kur gaasi kawa slay.

Marko 8:15

Yesu giri gurbuú' giri báy, «Ga/aawaak, ti harmagahhe' nee gár ta mikaátér sluuftimiisi ar múk Farisayo nar múk Herode.»

Luka 11:54

as kahhó' /aymuú kur oohi kuwa slay baraá axweesanaywose.