Marko 12:1 - Biblía Axweesantá Hhohho' ar Mungú 2004

¹ Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Ya/abtór hho' 1977

¹ Iri dir'ín i axweés ar slaqsi'i, iri oó', “Heeko xaaikaari ta babay misabiíbu gina dahaás, giri yaáw. Bohoongw guri foól oo ma'aá na/'aá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín, kay al'axweés gídaabá bu'uungw ku qasmiis. Inós iri aa'aá káy.

Marko 12:1 Iomraidhean Croise

ISAYA 7:23

Slám baalaadae qamaá sabiíbu awa kume kudá' tlaxor'ín kumuú wák oo shekeéli, nin deeli tleehhitiyá', fuquráy nee laqayaawo ngiri altlayá'.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

ESEKIELI 20:49

Naagáy, aníng niri oó', «Aá Aakoó MUNGÚ! Muu i ló'wa qununuu/ daanduueene ta kaahi, ‹Kwí bir axweés, a axweesantá bo/ kilós gan kah.› »

Matayo 13:3

Yesu muruú yaariír guri dir'ín i axweés ar slaqsi'i, iri káh, «Heeko wák ina dahaasíngw áy.

Matayo 21:28

«Kuungá' ma katá' daanduú kaangwihe? Heeko wák daaqoó tsár gu kón. Garmoó úr guri i daqáy, guri báy, ‹Garmaaeé', tláw laarí gadiyeé aweek baraá qaymór sabiíbu.›

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Matayo 21:34

Qoomár bu'uungw iwa naká/, sagadiyuuseerós gari ya/aáw amór doosluuseedá', as bu'uungós kuwa leehhi.

Matayo 25:14

«Qoomaadá' a slaqás nee heé aa'aá káw, oo lawaaleerós gaa ateet, daqaari'iimarós gari dabaá lawaaleedí saayín.

Marko 11:33

Yesu kuri báy, «A xuanaaká.» Yesu giri báy, «Tam án sleeme aleesleemuú muruuwí ngur tlehhiit ngu dirhúng i ooaaká.»

Marko 13:34

Slaqsaywós a adór heé aa aa'aá kay, oo do'ós gwa dír lawaaleerós i geexay, nee umuúqo heewo gwa gadiyeérós i haniís. Heé afkú doó xuúm guri hara'ayín do' nguwa xun.

Marko 3:23

Yesu muu guri ateét, guri i axweés ar slaqsi'i, giri báy, «Neetlaangw kilós duxuungo ti aleesláya?

Marko 4:2

Muruú yaariír guri intsaahhatimís ar slaqsi'i. Qoomár iwa intsaahhatimisi ina oó',

Luka 15:13

Deelór niina iwa waaráhh, garmaadá' niiná muruuwós guri dinkwaárií qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Luka 19:12

Yesu iri oó', «Heeko úr i deer oo tlahhaywós ta ilaiwawa/i. Inós ina aa'aá káy amór yaamaá saawá' as kuwa waawutmoó wa qaasi, nee niri kii/.

Luka 22:9

Inooín tari oó', «Dír kuúng ta sla' ar kuwa amohhe'eesaan a diimá?»

Luka 8:10

Giri báy, «Kuungá' xu'uti aga sleeré' daanduú naaqór baraá waawuti'iimár Munguhe. Ala múk hatlae an slaqsi'ír kaahaán, as kahhó' ta qaytsiiti makawa ár, nee ta axaasi ala makawa tsaáhh.»

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.