Marko 11:1 - Biblía Axweesantá Hhohho' ar Mungú 2004

¹ Qoomár tawa Yerusalemurií tseewúy, inslaawoó gixsadaá Betfage nee Betania, bihhaá tloomár xaaikaari ta babay Seituúni, eeharuuseerós ar tsár gari ya/aáw,

Ya/abtór hho' 1977

¹ Tawa tseewúy Yerusalemú i alé, inslaawoó gixsoó Betfage nee Betania, bihhaá tloomár xaaikaari ta babay Miseituni, eeharuuseerós ar tsár gay ya/aáw,

Marko 11:1 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

SEKARIA 14:4

Nee baalaadár kilae AAKOÓ MUNGÚ in sihhiit gawaá tloomár seituúni tidár Yerusalemuro bihhaá da/ií dirii', nee tloomár seituúni iri tla/aa feehhít, tlapár yaariir niri baraá tla/angwdá' wa ti'ít, iimír da/aáw wa tleemu ay /uwa, tlaqtá tloomaadá' ar wák iri /íkwí tleér nee ar hatlá iri báskwí tleér.

Matayo 21:17

Yesu giri didí geexáy, iri tsee/aá gixsár ti'iít, iri tláy ay Betania, iri amoodií deél.

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 26:30

Tawa hhe'eés daa'ango, tari tsa/án gawaá tloomár xaaiikaari ta bay seituúni.

Marko 11:2

giri báy, «Tlawsé' ay amór gixsarqá' geraahúngií dirii'. Bara hardaté', gwarendamoó daqwaay, oo hee aa baloó daanda i tsa/aniká uqo aandá', kwaa tseék. Ngu gwedá' ngu hubá'.

Marko 13:3

Tam qoomár Yesu iwa iwiít gawaá tloomár xaaikaari ta babay seituúni, iwa amór Doó Mungú i xumiisi, Petro nee Yakobo nee Yohane nee Andrea tawa kilooín, kuri yaahaás kuri báy,

Marko 14:13

Eeharuuseerós ar tsár gari ya/aáw, gari báy, «Tlawsé' baraá gixsa. Nee heeko sirwír ma'aay ga koóm tiqo dogá', ku eehadá'.

Marko 6:7

Eeharuuse mibaá nee tsár gari ateét gari iimu/ún ya/abtooro tiwa tsár wa koomakona', gari /uuruú i haniís oo neetlaame kar duxun.

Yohana 8:1

Ala Yesu iri tláy amór tloomarka ta babay seituúni.

Tlehhema'aá ya/Abuuse 1:12

Aluuwo ya/abuuse niri gawaá tloomár Seituúnír wa awét, tidá' bihhaá Yerusalemúrí tseew, tari kií/ ay Yerusalemu, tloomadá' saweemaawo a har qoomoó hi'iitanór deelór Sabaáto.