Marko 10:52 - Biblía Axweesantá Hhohho' ar Mungú 2004

⁵² Yesu guri báy, «Tláw gimáy, haratlintaaoorók ugwa hungu/ús.» Siiwadár kilae ilaawós niri qaytsitiyé', nee Yesu tari koné'.

Ya/abtór hho' 1977

⁵² Yesu guri báy, “Tláw gimáy, haratlintaaoorók ugwa hungu/ús.” Hamtidár kilae ilaawós nay qaytsitiyé', nee Yesu tari koné'.

Marko 10:52 Iomraidhean Croise

WARA'AMI 146:8

AAKOÓ MUNGÚ taampu giri ila' qaytsitis, AAKOÓ MUNGÚ kudá' ta slahh'eemisi gin alee/iis, AAKOÓ MUNGÚ múk hota ganaá' gu slaa'.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

ISAYA 35:5

Daqaní taampu niri qaytsitiyá' nee iawasli iri axás.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 12:22

Qoomaadae heé neetlaame aa eér kunguri huúw amór Yesu. Heedaádá' a taampa, slám a heé afa wásl. Yesu guri hungu/uús, heedá' afa wásl iri axweés, nee iri xumiís.

Matayo 15:28

Yesu gari báy, «Aáyo, haratlintaaoorók ka ló'wa ur. Tidaádá' ta sla' i tleehharut.» Qoomaadár kilae dasiirós iri hungú/.

Matayo 21:14

Qoomár Yesu iwa baraá Doó Mungú i dirii'i, taampu nee taqooraywo nguna i daqayé', inós giri hungu/uumiís.

Matayo 8:3

Yesu guri dakós i gan'aás guri kwatiít, guri báy, «Án a slaá', hhoohhooúw.» Hamtidár kilae tiqtirós tidár tsatmit iri hungú/.

Matayo 9:22

Yesu iri alií warqáy, gari ár, gari báy, «Mune hhe'eés, dasir'eé', haratlintaaoorók iga hungu/ús.» Siiwadár kilae /ameenidá' iri hungú/.

Marko 1:31

Yesu gari harasuruúk, gari dawa óh, gari tleés, ga/atani gari geemeér. Aayoorí inooín giri sagadiyús.

Marko 5:34

Yesu gari báy, «Dasir'eé', haratlintaaoorók kiíng iga hungu/ús, tláw ar wayda, adoosíng tara hungú/ koomeek.»

Marko 8:25

Yesu ilaá heedaádá' giri malé kwatiít, heé taampa iri qaytsita hhe'eés, ilaawós niri ganaaiyé' xumsooro, umuúqo gaaro iri geehhoouwa hhe'és.

Luka 7:50

Ala Yesu /ameenidá' gari báy, «Haratlintaaoorók iga ba/amís. Tláw ar wayda.»

Luka 9:48

Giri báy, «Heé na/aywí gwa umuueénár ilaoh, heé aa ilaóh a aníng. Nee kudá' aníng iga ilaoh, kudá' aníng iga ya/aaw guna ilaóh. Asma kudá' ló'wa niiná dirhunge, an kudá' úr.»

Yohana 9:32

Iimír iimu/úngw yaamuwo kángw adoorí kwa axaasiiká oo hee ilaá heé tinda taampu'uumár al laqwaál ngiwa qaytsitisi.

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »