Marko 10:47 - Biblía Axweesantá Hhohho' ar Mungú 2004

⁴⁷ Inós ngiwa axaás adór tar Yesú Nasareti in waaraahh, tseeo gari iimu/ún i kaahi, «Yésu, Garmoó Daudi, án gurtlawáng.»

Ya/abtór hho' 1977

⁴⁷ Inós ngiwa axaás gídaabá a Yesú Nasareti in waaraahh, tseeo gari iimu/ún i kaahi, “Yésu, Garmoó Daudi, án gurtlawáng.”

Marko 10:47 Iomraidhean Croise

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Matayo 12:23

Boo/aydá' sleémeero iri waa/oó/, tari káh, «Heewí a Garmoó Daudíwoóke?»

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 2:23

Iri hotaá áy baraá gixsár Nasareti. Adoorí ina tleehharút as /aymuudá' aaruuse aa ó' iwa boo/i, kudá' tawa káh, «Inós ku bay a heé Nasareti.»

Matayo 20:30

Naxés mukko tsár oo taampu aa iwiít afaá loohi. Inooín ngiwa axaasiyé' Yesu in waaraahh, tari tseé' ar afór ur, tari oó', «Aáko, Garmoó Daudi, atén ti gurtleer.»

Matayo 21:11

Boo/aydá' Yesu gwa eehar iri oó', «Heewí a aarusmo Yesu, oo baraá Nasaretír Galilayár daáhh.»

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Matayo 26:71

Petro iwa tsee/ií ti'iít, iwa dír afkú dó' i hardáh, dasír hatlá' guri aán. Dasiidá' mukko didaádí dirií' guri beér, «Heewí toomák i dinkwa nee Yesú Nasareti.»

Matayo 9:27

Yesu iwa didá' wa tláy, iri geerií kumiít, kuri eehár nee múk tsár oo taampu i tseeamín, ta kaahi, «Garmoó Daudi atén ti gurtleer.»

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Luka 4:16

Yesu iri Nasaretírí tláy amoodá' kuwa ureés. Deelór Sabaátoro iri dáh baraá doó saaliingw adoodá' /iisí i /imaamisi. Iri sihhiít as iwa soomuusi.

Yohana 1:46

Natanaeli iri oó', «Gár hhoo' ar baraá gixsár Nasaretír wa ti'iit iqo deéro?» Filipo iri oó', «Qwaláng, areek.»

Yohana 19:19

Pilato slambaree/i gari gooín gari qaás gawaá msalaába. Gár taa gawaadí gooín a tí, «Yesú Nasareti, Waawutmoó múk Yahudi.»

Yohana 7:41

Bahh'alé tari oó', «Heewí a Kristo.» Ala bahh'alé tari oó' sleeme, «Ahaá, Kristo i Galiláyár dáhhi?

Yohana 7:52

Inooín tari oó', «Kuúng sleeme kár amór ni dahh a Galiláyáro? Áx leelehheek baraá Gooiro aarusmoó Galiláyár wa ti'iít i deéro?» [

Tlehhema'aá ya/Abuuse 6:14

Asma aga axaasaán i kaahi, ‹Yesu Nasareti diirí ga hhitín nee uunuudá' Mose naa atén i hara'ayín gi warqees.› »

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»