Marko 10:43 - Biblía Axweesantá Hhohho' ar Mungú 2004

⁴³ Ala dirhunge a adooriheeká. Heé uraay gu slaá' dirhunge, gár kuwa hariím a kuungá' nun sagadiyuus.

Ya/abtór hho' 1977

⁴³ Ala kuungane a adooriheeká. Heé uraay gu slaá' baraahunge, gár kuwa hariím a kuungá' nun sagadiyuus.

Marko 10:43 Iomraidhean Croise

Marko 10:42

Yesu giri ateét giri báy, «A xuá' mukduú adór waawituú urén baraá múk xoorduwo tan waawuti'ii'ín ar /uuru, nee inooínadá' uren muu ngun baliitiyá'.

Marko 10:44

Nee heé dirhunge kuungá' nu geerahartá wa slaá', gár kuwa hariím in lawaalamoohúng tleehhiit.

Marko 9:35

Iri yaamií iwiít, kudá' mibaá nee tsár giri ateét giri báy, «Barnaxes dirhunge hee i uroó slaa', gár kuwa hariím tin niinawees muu sleémeero ba/a, nee tari sagadiyusmoó muu sleémeero.»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Luka 22:26

Ala dirhunge a adoosingeeká. Ala kudá' úr baraá tla/angwhunge, masók an heé niiná dirhunge. Nee kuduú geeraharusmo, masók an sagadiyusmoohúng.

Luka 9:48

Giri báy, «Heé na/aywí gwa umuueénár ilaoh, heé aa ilaóh a aníng. Nee kudá' aníng iga ilaoh, kudá' aníng iga ya/aaw guna ilaóh. Asma kudá' ló'wa niiná dirhunge, an kudá' úr.»

Yohana 18:36

Yesu iri oó', «Waawuti'iimar'eé' ar baraaká' yaamuuwooká. Waawuti'iimar'eé' geera bar ar baraaká' yaamu, eeharuuser'eé' geera án iga aleesláqw, aníng mitiwa haniís amór múk Yahudi. Ala waawuti'iimar'eé' ar baraaká' yaamuuwooká.»

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Galatia 5:13

Ala kuungá', hhaee'eé', kuungá' tunduna ateét as tawa hota' ar amohhooa. Ala amohhooarhúng tisíng ma ar hootara' as ilatleerír slaqwa kawa eeharahada'. Ala ti sagadiyuse' ar sla'aari.