Marko 10:39 - Biblía Axweesantá Hhohho' ar Mungú 2004

³⁹ Kuri báy, «Adoosíng a aleeslawaán.» Yesu giri báy, «Xooslmoodá' aníng ni wah, kuungá' u watá', nee baatísmoodá' aníng tir baatisi, kuungá' u qitlá'.

Ya/abtór hho' 1977

³⁹ Kuri báy, “Adoosíng a aleeslawaán.” Yesu giri báy, “Slahha'amkwá án ni slaw, u sleerá', nee slahha'amkwá án ti dahaasi, kuungá' tundu dahaas.

Marko 10:39 Iomraidhean Croise

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 3:6

Tlakweemaaín kiwa hhu'uu'ún, giri baatimiís baraá yaaér Yordanír wa ale.

Marko 14:31

Petro iri ak kumiít axweesanto i kaahi, «Barnaxes gár tiwa hariím a tawa alqatlaan nee kuúng, tam adoorihe u baloó tlaankaaká.» Kudaá hatlá' sleémeero adoodá' kay oín.

Marko 14:36

Iri oó', «Baabuúeé', Baabuúeé', kuúng umuúqo gaaro a aleesleér. Slahh'ámuuwí dir'eene hingeeseek. Tam adoorihe adoodá' aníng ni slaa' ma tleehhaar, ala tidá' kuúng ta sla' na tleehheek.»

Yohana 13:37

Petro iri oó', «Aáko, asma milá án kuúng eeharto mus aleeslawaaká hamí? Aníng slafingw'eé' u haniís as daanduuwók.»

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 17:14

Án axweesantók aga dir'íní oó', nee inooín muu gaa aáhh asma inooín awa yaamuuwooká, adoodá' án tar heé yaamuuwooká.

Tlehhema'aá ya/Abuuse 12:2

Yakobo hhiyoó Yohane guri gaás ar paánga.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.