Marko 10:33 - Biblía Axweesantá Hhohho' ar Mungú 2004

³³ Giri báy, «Ga/aawaagáy hamí a tsa/a/amaán tawa Yerusalemú kawaan, nee Garmoó Hee ku qaas baraá dabaá kaahamuusér uren ar Mungú nee intsaahhatuusér hara'ayár Mose. Inooín ku sakwasleemuut as kuwa gaasi. Sakwasleemaro burkwa hhe'eés kway haniis amór múk xoordu.

Ya/abtór hho' 1977

³³ Giri báy, “Ga/aawaagáy hamí a tsa/a/amán tawa Yerusalemú kawaan, nee Garmoó Hee ku qaas gawaá dabaá geeraharuusér uren ar saalíngw múk Yahudi nee intsaahhatuusér hara'ayár Musa. Inooín ku sakwasleemuut as kuwa gaasi. Sakwasleemaro burkwa hhe'eés kway haniis amór múk xoordu.

Marko 10:33 Iomraidhean Croise

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 26:66

Xáy, kuungá' ma katá'?» Tari oó', «Gár iwa harin a gaasa.»

Matayo 27:2

Yesu kuri tseék, kuri huúw ay amór Pilato, ga/aawusmoó taa qaás nee múk Roma.

Marko 14:64

Aga axasí'iíke adór ir Munguú /oosliislín. Xayshé' ma katá'?» Sleémeero kwasleema kay tsaát adór gár kuwa hariím tar gwa'ara.

Marko 15:1

Looa niwa tleér matlaatleero kaahamuusér uren ar Mungú nee bariiseero, nee intsaahhatuusér hara'ayár Mosewo, nee múk doó kwasleema sleémeero niri kwasleemutiyé'. Yesu kuri tseék, kuri huúw, kway dabaá Pilató i qaás.

Marko 8:31

Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Marko 9:12

Yesu giri báy, «A ló' Eliya ni ala geerií hardah, nee mura' sleémeero nguwa /abeemaá i ki/isi. Ala tam adoorihe, adór taa gooín a adoomá gawaá daanduú Garmoó Heewo tidá', slahh'eemisuú yaariír nguwa slay nee kuwa waaqaqai?

Marko 9:31

asma inós i eeharuuseerós intsaahhatimis. Gana báy, «Garmoó Hee ku qaás baraá dabaá muu, inooín kway gaas. Bar gaasaro kwa hhe'eés, deelo tám bira waaráhh i waaslee/.»

Luka 23:21

Ala muu iri tsimahhuús tari káh, «Kikiieek! Kikiieek!»

Luka 9:22

Iri oó', «Garmoó Hee gár kuwa hariím a slahh'eemisuú yaariír ngun sláy, nee kun siasii' nee bariise, nee kaahamuusér uren ar Mungú, nee intsaahhatuusér hara'ayár Mose, nee kuri gaas, bál tame nay waaslee/.»

Yohana 18:28

Yesu kurir tláy dír doó Kayafá wa ale, ay boómár ur. Nee qoomaadá' a matlaatlér boo/. Ala múk Yahudi aa dahiiká baraá boómár úr i alé, as tawa meetin, mikiwa ilaá/ muruú /aymár Pasaáka /aymaaro.

Yohana 18:32

Tí ina tleehharút as /aymuudá' Yesu aa oó' iwa boo/i. Asma inós loohír ir gwaai gaa geerií oó'.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 20:22

Nee aníng hamí aga tláw ay Yerusalemu, taa tseék nee Qeeruú hhoohhoó' oo Mungú. Gár aníng ni amorqií aw a xuaaká.

Yakobo 5:6

Kuungá' heedá' gan'amuú koóm una sakwasleemuté' kuri gasé', ala inós kilós taa aleekal/anká.