Marko 10:30 - Biblía Axweesantá Hhohho' ar Mungú 2004

³⁰ inós baraá yaamuukae, maraay nee hhae, nee amu, nee na/ii, nee qamu, gin sagaá wa tsiiruú wa sláy, dinkwa nee slahh'eemis. Aluuwo baraá yaamaá xaw'a slafíngw alhhe'eesay wásl gu malé sláy.

Ya/abtór hho' 1977

³⁰ inós tí sleémeero hám baraá yaamuukae ga sláy sagaáwa tsiiruú wa ale, maraay nee hhae, nee amu, nee na/'ii, nee qamu, inós tumku slahhe'eemisi. Aluuwo baraá yaamaá hatlae slafíngw alhhe'eesoó koomaaká gu sláy malé alé.

Marko 10:30 Iomraidhean Croise

2 QOM'I 25:9

Waawutmo Amasia heeduú Mungú guri yaahaás, «Adór ta /isaan asma peésár yaariir aga hanisaán dír slaqwaruusér múk Israeli?» Inós guri mu/aywaáts, «AAKOÓ MUNGÚ peésár tisíng ga baa/ ngi aleesláy haniisaro.»

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

AXWEESANOÓ SAGALOOA 16:16

A gár hhoo' sagalooa kawa sleer ta sahaábuwo, sleeme a gár hhoo' tsaahha kawa sleer ta muqslidár peésaaro.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

Matayo 13:8

Nee dahaasíngw hatlá' iri paáhh dír hhapér hho', iri laqwaál, oo wák tsiiru, nee oo wák mibeeri lahhoó', nee oo hatlá' mibeeri tám.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Luka 18:30

inós muruú yaariír gun ak sláy hám baraá yaamuukae, nee baraá yaamaá hatlae slafíngw alhhe'eesay wásl gu sláy.»

Yohana 10:23

Qoomaadae Yesu ina baraá Doó Mungú wa hi'imiít, baraá matla/ángw Solomon.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 16:25

Ala Paulo nee Sila qoomár amsiwo Mungú kuri firín, nee nguri i daaiyé' ar daa'ángw ilahhooa. Nee mukduú hatlá' taa tseegiít ta axamiis.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Rumi 5:3

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

1 Timoteo 6:6

Ala ar ló', ilaiwa/amér Mungú i slaasláwár yaariír huwahúp dír heewo, hee barnaxes ku yaanda hhoó' baraá tidá' i kona.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 5:11

Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.