Marko 10:27 - Biblía Axweesantá Hhohho' ar Mungú 2004

²⁷ Yesu giri i qaytsiít iri oó', «Muu ga aleeslayká, ala dír Munguhe a adoosingeeká, asma dír Munguhe umuúqo gaaro i ya/aán.»

Ya/abtór hho' 1977

²⁷ Yesu giri i qaytsiít iri oó', “Dír muko aleesleemuuwós i kaahh, ala dír Munguhe a adoosingeeká, asma dír Munguhe umuúqo gaaro i ya/aán.”

Marko 10:27 Iomraidhean Croise

2 WAAWITÁ 3:18

Ala tí dír AAKOÓ MUNGUHE ka gawdeeká tleehharo, inós sleeme baali ngi haniis dirhunge ar múk Moabu kuwa ar ba/a'.

2 WAAWITÁ 7:2

Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

YOBU 42:2

«Aníng a xuú' adór kuúng umuú gaaro kar aleesleér, nee umuú gár taa tleehhár wa sla'a ka baqiiká.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 32:27

«Ga/aaweek, aníng a AAKOÓ MUNGÚ, Munguú muu sleémeero, gár aníng ni harslaaqaat iqo deéro?

SEKARIA 8:6

AAKOÓ MUNGÚ Aleesleemusmo i kaahi, «Ala tí tam ka gawide dír ilaá mukwí aa meeti, dír ilaeene sleeme ka gáwde? AAKOÓ MUNGÚ Aleesleemusmo tí gan kah.

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Marko 10:26

Inooín tari ló'wa waa/oó/, kuri báy, «Ala barqo adoosíng heé ba/ám a heemá?»

Luka 1:37

Asma dír Munguhe gár ya/aamaaká i káhh.»

Luka 18:27

Yesu iri oó', «Tidaádá' dír muko ya/aamaaká, dír Munguhe i ya/aán.»

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

Ebrania 11:19

Asma Abrahamu ga xuu' adór Mungú ir /uuruú kón oo hee nguwa waaslee/atisi baraá múk aa qaátl wa ale, nee ar ló', Isaka nguwa malé sláy a adór heé naa sláy baraá waasle/uú wa ale. Adoorí ina tleehharút ar slaqsaay.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.