Marko 10:21 - Biblía Axweesantá Hhohho' ar Mungú 2004

²¹ Yesu guri i qaytsiít, guri slaá', guri báy, «Gár wák uga wa /aaruúr. Tláw, muruudá' ta koon sleémeero weeriseek, ku narkuutér i hanmís. Tók ar yaariir a gawaá doorí eér. Bara hhe'és, ni hardát, aníng ir eehát.»

Ya/abtór hho' 1977

²¹ Yesu guri i qaytsiít, guri slaá', guri báy, “Gár wák uga wa /aaruúr. Tláw, muruudá' ta koon weeriseek sleémeero, ku narkuutér i hanmís. Tók ar yaariir a gawaá doorí eér. Bara hhe'és, na hardát, aníng ir eehát.”

Marko 10:21 Iomraidhean Croise

IIMU/UUNGW 34:19

Nee garmoó aáng adoodá' tleehhamooro taa alduuxiiká, asma kwa ló'wa sla'atís nee dasiidár Yakobo. Asma garmaadá' a heé ilaiwa/amér koóm dooine.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 19:21

Yesu guri báy, «Barnaxes kuúng a heé ganaá' tlehhitár wa slá', tláw, muruudá' ta koon weeriseek, peésaadá' ka hanís dír narkuute, daqaní aníng ir eehát. Kuúng daqaari'iimarók a gawaá doorií eér.»

Marko 10:22

Ala inós iri boo/áy as adoodá' Yesu ngwa báy, iri tláy ar gurhaami, asma inós a ló'wa daqaarmo.

Marko 8:34

Boo/ayduú muu guri ateét, nee eeharuuseerose, giri báy, «Umuúqo heewo bar aníng i eehartá wa slaa', gár kuwa hariím a sla'aarirós gan gunqarees, msalaábarós gari gagaar, aníng iri eehar.

Luka 10:42

Ala gár slahhaa' a wak kilós. Maria gár hhoo' gana tsawát, tidá' ta baloó hingeesiiká dirose.»

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 16:9

«Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Luka 9:23

Sleémeero giri báy, «Umuúqo heewo bar anií eehartá wa slaa', sla'aarirós ngi gunqareesi, msalaábarós ngi gagaari umuú deelooro, aníng i eehari.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 2:45

Daqaari'iimar'ín kari weeramiís, nee muruuín kudá' i kon'a kuri qasmiís dír umuúqo heewo ar hariímadá' qoom.

2 korinto 12:15

Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 Timoteo 3:12

Mukdá' sleémeero oo hotángw ilaiwa/ame gu slaá' nguwa ar hootiya' baraá Kristo Yesuwo aqo kin gusisín.

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.

Yakobo 2:10

Hee bar dabe sleémeero gaa óh, ala hara'ayár wák gari sií', inós dabe sleémeero gaa sií'.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

Geehhoeemaá 2:4

Ala aníng axweesantaka a koóm daanduuwoge, ‹Kuúng sla'aarirók tidár geera aga meér.›