Marko 10:2 - Biblía Axweesantá Hhohho' ar Mungú 2004

² Múk Farisayo guri yaahastá áy ar iiara, tari oó', «A hariímaáro hee hareerós ngiwa talaákárií haniisi?»

Ya/abtór hho' 1977

² Múk Farisayo guri yaahastá áy ar iiara, tari oó', “A hariímaáro hee hareerós ngiwa talaákár i haniisi?”

Marko 10:2 Iomraidhean Croise

MALAKI 2:16

AAKOÓ MUNGÚ, Munguú múk Israeli i kaahi, «Asma aníng s a sla'aaká hee hareerós ar bi/i ngiwa huushi si'imawo. Aníng alsi'imuú adór kwí u aáhh, hee tumu wák hareerós ar bi/i ngiwa huushi si'imawo.»

Matayo 15:12

Eeharuuseerós guri i daqeér guri beér, «Kuúng aga tsáhhi, múk Farisayo /aymuudá' nguwa axaás adór tara buúhh?»

Matayo 16:1

Múk Farisayo nee múk Sadukayo Yesu kuri i daqáy as kuwa iiari, kuri firín layár gawaá dooraá daahh ngiwa laqan.

Matayo 19:3

Yesu kuri i daqáy nee múk Farisayo as kuwa iiari, kuri báy, «Xáy, hee hareerós ngiwa geexay as umuúqo gaaro a hariímáro?»

Matayo 22:35

Oo wák baraá tla/angw'ine a intsaahhatusmoó hara'ayár Mose, inós Yesu guri yaahaás ar iiara, guri báy,

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 9:34

Ala múk Farisayo tana oó', «I neetlaamér gusiisín ar /uuruú neetlángw úr.»

Marko 10:1

Yesu didaádae iri tláy, iri hardáh yaamaá Yudea ay gayuú Yordani. Boo/oó yaariír guri male i burumburiít, giri intsaahhatimís adoodá' /iisí i /imamiisi.

Marko 10:3

Yesu giri báy, «Gár Mose naa hara'ayín dirhunge a milá?»

Marko 8:11

Múk Farisayo iri dír Yesu i hardáh, as kuwa yaahamiisi, asma layár gawaá dooraá daahh kana dirósií slaá', as kuwa tlaampa'amiisi.

Marko 8:15

Yesu giri gurbuú' giri báy, «Ga/aawaak, ti harmagahhe' nee gár ta mikaátér sluuftimiisi ar múk Farisayo nar múk Herode.»

Luka 11:39

Aako iri oó', «Kuungá' múk Farisayo daanduú isaangi nee oo qwaree/amo in hamtlitá', ala baraahunge gár aa hats a /ayta nee tlakweema.

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 6:7

Intsaahhatuusér hara'ayár Mose nee múk Farisayo kuri gigidín kuwa ari, áx gu hungu/uúsi deelór Sabaátoro, asma loohír kur sakwasleemuuti kawa slay.

Luka 7:30

Ala múk Farisayo nee intsaahhatuusér hara'ayár Mose sla'aaridár Mungú daanduuine kana sií', asma inooín baatiísmoó Yohane kwa ya/aniká.

Yohana 11:47

Kaahamuusér uren ar Mungú nee múk Farisayo, mukduú doó kwasleemár ur kuri ateét tari oó', «Adór heewí ku laqaan a adoomá? Asma heewí layaá yaariir gi tlehhiit.

Yohana 11:57

Qoomaarihe kaahamuusér uren ar Mungú, nee múk Farisayo, hara'aya kaa qaroó oó', tawa kaahi, ‹Bar hee ngu xuu' dír i dirii'i, kaangw ngu huwi as kuwa oohár ay.»

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 7:48

Baraá múk urén nee múk Farisayowo heé gwa haratlintii' a heemá?

Yohana 8:6

Yesu kuna adoorí báy as kuwa iiari, as /aymuú Yesu kur sakwasleemuuti kuwa slay. Yesu iri yaamií xupuú', iri yaamií gooín ar diitsarós.

1 Korinto 10:9

Nee slám atén Aako muwa iiara'araán adór inooín bahh'alé ngura iiariyé', nee kiri hhaamiís nee dayshe.