Marko 10:14 - Biblía Axweesantá Hhohho' ar Mungú 2004

¹⁴ Ala Yesu adoodá' ngiwa ár, iri ló'wa buúhh, giri báy, «Na/aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Ya/abtór hho' 1977

¹⁴ Yesu adoodá' ngiwa ár, iri ló'wa buúhh, giri báy, “Na/'aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Marko 10:14 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

WARA'AMI 78:4

kaangwí u duquumanaaká dír na/iirene, tam qartaá aluú wa xaw ka kaangwí bawaán, xirfuú AAKOÓ MUNGÚ nee /uuruuwós, nee muruuduú waa/oo/amo oo aa tleéhh.

ISAYA 65:23

Inooín gadiyér tawo ngi tleehhiiaaká, laqaá na/aá qatlá' ngi laqwlina'aaká. Asma inooín an xwaylár taa tsuúq nee AAKOÓ MUNGÚ. Inooín nee xwaylar'ine kaa tsuúq.

FAARO 14:31

Kuungá' ana oé', ‹Na/iirén ki haasaáng wa ar tláy.› Ala aníng na/iihúng in dahaás baraá yaamuudá' kuungá' taa waaqaé' as inooín ngiwa tsaahhiya' nee yaamuudá' tawa kooín.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 18:4

Heé úr baraá waawuti'iimár dooriiwo an kudá' taa kilós niinawees adór na/aywí wa ale.

Matayo 19:14

Ala Yesu iri oó', «Na/aá ninakw mawaagáy, ni amor'eé' hardihiye', slám mi ila/aamara'. Asma múk adór na/iiká', waawuti'iimár Mungú a tooín.»

Matayo 5:10

Múk amohhoó' a kudá' ta slahh'eemisi as gan'amu, asma waawuti'iimár doori a tooín.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Marko 8:33

Yesu iri amór eeharuuseerós i warqáy, Petro guri iigahhaát guri báy, «Tláw, aluueé' ki/eek, kuúng Neétlaangw, asma inslawaywók oo Munguheeká, oo múk tawo.»

Yohana 3:3

Yesu guri mu/aywaáts guri báy, «Ar ló' án a kah, hee burkwa sagaáwa tsár wa laqwaaliiká, waawuti'iimár Mungú ga ariiká.»

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Tlehhema'aá ya/Abuuse 3:25

Kuungá' a na/aá aaruuse, nee slám a na/aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu iwa kaahi, ‹Baraá xwaylaroge xoordu sleémeero awa baraá yaamu ki tsuuq.›

Rumi 11:16

Mukatmoodá' taa geerií tleéhh barnaxes ku hhoohhoó', as adoodá' kuwa haniís amór Mungú, xwaanteedár mikaáte kara tleéhh sleémeero ka hhoohhoo'. Nee barnaxes dee/aruú xa'ano ku hhohhó', haleemi sleeme ki hhohho'.

Rumi 11:28

Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 7:14

Asma hhawaatuuduú krishaanmowooká, ku hhoohhooees ar loohír hareerós. Nee hareedár krishaanto'oorooká ka hhoohhooees ar loohír hhawaatuuwós. Asma geera bar adooriheeká, na/iihúng geera ki hhohhoeká. Ala hám ki hhohho'.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

Geehhoeemaá 14:5

Nee gawaá afer'ine lama i káhh. Asma inooín tlakweema kaa tleehhiiká.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:22

Ala Hana aa daqeeriiká, asma hhawaatuuwós guna beér, «Aníng a daqawaaká ay dír na/ay'eé ngway /oomees, daqaní ngun sangw huúw, as iwa hardihi dír geeraá AAKOÓ MUNGÚ, as iwa didá' wa hooti daqisleém.»