Marko 1:32 - Biblía Axweesantá Hhohho' ar Mungú 2004

³² Qoomár tsiindo looa iwa dát, kuna múk yaariír i huwahuúw oo tiqtuuse nee oo neetlaame aa aeér.

Ya/abtór hho' 1977

³² Qoomár tsiindo looa iwa dát, kuna múk yaariír i huwahuúw oo tiqtuuse nee oo neetlaamér koóm.

Marko 1:32 Iomraidhean Croise

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Matayo 8:16

Qoomár tsiindoowo múk yaariír oo neetlaame aa eér kuna huwahuúw dír Yesu. Inós neetlaameedá' gari hingeemiís ar /aymi'iiwós, muu sleémeero oo tiqtír dimbadimbé koóm guri hungu/uumiís.

Matayo 8:17

Asma /aymuudá' aarusmo Isaya aa oó' iwa boo/i, kudá' iwa káh, «Inósuú kilá' slaqwaatlakweerén gana óh, nee tiqtirén gari gagaár.»

Marko 1:21

Tari tláy ay Kapernaumu, siiwadár kilae bál deelór Sabaátoro Yesu iri dáh baraá doó saaliingw, iri intsaahhatimís.

Marko 1:31

Yesu gari harasuruúk, gari dawa óh, gari tleés, ga/atani gari geemeér. Aayoorí inooín giri sagadiyús.

Marko 3:2

Kuri gigidín as kuwa ari, áx heedaádá' gu hungu/uúsi deelór Sabaátoro, as kahhó' kuwa sakwasleemuuti.

Luka 4:40

Looa iwa dát, muu sleémeero oo tiqtír dimbadimbé koóm, kunguri huúw nee muk'ín dír Yesu. Yesu dabaawós giri qaás gawaá umuúqo tiqtusmoowo, giri hungu/uumiís.

Luka 4:41

Múk yaariír sleeme neetlaame guri gimeér, ta tseeamín ta kaahi, «Kuúng a Garmoó Mungú.» Yesu giri iigahhamiít asma matawa kumiít tawa axweesi, asma ka xuu' adór inós tar Kristo.