Marko 1:27 - Biblía Axweesantá Hhohho' ar Mungú 2004

²⁷ Tari ló'wa waa/oó/ sleémeero, tam tiri yaahamisiyé' tari káh, «Gár adoorí a milá? A intsaahhasár /abéne? Ahaá baré ar aleesleemuwo tam neetlaame gan hara'ayiyín, inós gway ilaiwaawá/.»

Ya/abtór hho' 1977

²⁷ Tari ló'wa waa/oó/ sleémeero, tam tiri yaahamisiyé' tari káh, “Gár adoorí a milá? A intsaahhasár /abéne? Ahaá baré ar aleesleemuwo tam neetlaame gan hara'ayiyín, inós gway iwawá/.”

Marko 1:27 Iomraidhean Croise

Matayo 15:31

Tam boo/aydá' iri waa/oó/ múk afewaslén kuwa ár, iwa axweesi, nee múk aa sol'omiit iwa hhooáy, nee taqooraay iwa hi'iimiti, nee taampu iwa xumiisiya'. Boo/aydá' Mungú múk Israeli kuri xirfayeemiís.

Matayo 8:9

Asma aníng sleeme múk i baliít i deer, slám askaárír án ni baliit i deer. Kwí bura báw, ‹Tláw,› aqo in tláy, nee kwí bura báw, ‹Qwaláng,› aqo nin hardah. Nee lawaalmooeé' bura báw, ‹Adoorí tleehheek,› aqo gan tleehh.»

Matayo 9:33

Qoomár neetlaameedá' kawa hingeés, heedá' afa wásl iri axweés. Boo/oó muu iri waa/oó/, iri káh, «Gár adoorí aga araaniiká qooma sleémeerowo baraá Israeliro.»

Marko 1:26

Neetlaameedá' hee guri pungaahhamuúr, iri tsé' ar afór ur, guri geemeér.

Marko 1:28

Siiwadár kilae kangós iri tsiyaayaaxaát umuúqo diiro baraá yaamu sleémeero awa bihhér Galilaya.

Marko 10:24

Eeharuuseerós axweesantós gari waa/ó/. Yesu giri malé báy, «Ná/ii, ga/aawaak dahmaá baraá waawuti'iimár Mungú adór kir gawít.

Marko 10:32

Tawa Yerusalemúrí tsa/a/an, Yesu gina geerahaár loohiro. Eeharuuse iri waa/ó/, nee mukdá' nee inooín ti al koomá' tari da'ayuút. Eeharuuseedá' mibaá nee tsár gari ateét, adór inós ku laqi nee muu gari dir'ín i oó'.

Marko 16:5

Tari dáh baraá /aanta, masoomoó inqwaarír /awaák nga tsiit kuri ár, aa iwiít bihhaá doó /iyáy, tari waa/oó/.

Marko 16:6

Inós giri báy, «Ma waa/oo/amimara'. Aníng a xuú' kuungá' heé ta leelehhita' a Yesú Nasareti, kudá' taa gawaá msalaábár i kikií'. Aa waasleé/. Diirihe i kaahh. Ga/aawaak, didá' geeraawo kway qaás a diirí.

Marko 7:37

Waa/oo/amooro tari harwaaraáhh, tari káh, «Mura' sleémeero tlehhemuuwo gwa qoomeés. Heé iiawasli i axamiis, nee heé afewasli axweesani gaa aleesláy.»

Luka 4:36

Sleémeero tari waa/oó/, tiri i axweesiyé' tawa kaahi, «Kaangwí a milá? Baré ar aleesleemu nee /uuruuwo neetlaame birnga iigahhaát, aqo in qútl.»

Luka 9:1

Eeharuuseedá' mibaá nee tsár gari ateét, gari aleesleemuú i haniís nee /uuru, oo neetlaame sleémeero kawa duxun nee tiqtuuse kawa hungu/uumisi.

Tlehhema'aá ya/Abuuse 17:19

Kuri óh, kuri huúw ay Areopago. Tari oó', «Xáy, intsaahhatisasíng /aben kuúng ta intsaahhatimis, atén xu'utiro a aleeslawaána?