Marko 1:19 - Biblía Axweesantá Hhohho' ar Mungú 2004

¹⁹ Yesu gár niinawe iwa geerií kumiít, Yakoboó Sebedayo nee hhiyaawós Yohane giri ár. Inooín sleeme ta baraá miringamo, ta baratsufay'ín amohhe'eemiis.

Ya/abtór hho' 1977

¹⁹ Iwa geerí kumiít gár niinawe. Yakobó Sebedayo nee Yohana hhiyaawós giri ár. Inooín sleeme ta baraá miringamo, ta baratsufay'ín amohhe'eemiis.

Marko 1:19 Iomraidhean Croise

Matayo 4:21

Yesu iwa geerií kumiít hha'aá tsár awa hatlá' giri ár. Inooín a Yakobo nee Yohane, daaqoó Sebedayo. Inooín ta baraá miringamooín i dirii' dinkwa nee baabuúín Sebedayo, ta baratsufay'ín amohhe'eemiis. Giri ateét.

Marko 1:18

Siiwadár kilae baratsufay'ín kuri geexáy, Yesu kuri eehár.

Marko 1:20

Siiwadár kilae giri ateét, baabuúín Sebedayo kuri geexáy baraá miringamo dinkwa nee mukdá' ta bu'un, tari daqáy, Yesu kuri eehár.

Marko 10:35

Yakobo nee Yohane, daaqoó Sebedayo, Yesu nguri i daqayé', nguri bayé', «Intsaahhatusámo, gár ta dirók i firór wa sla'aan i deer, xaa ya/ameek.»

Marko 14:33

Petro nee Yakobo nee Yohane girira tláy. Inós iri ló'wa gurhaamuút, iri amoqwaár daawitimeero.

Marko 3:17

nee Yakobo garmoó Sebedayo, nee hhiyaawós Yohane, giri umuú hatlá' i tsaát, a Boanerge, gídaabárós a daaqoó tsimaahhuuse,

Marko 5:37

Tam heé aa ya/án i kaahh oo nee inós ti koomá', a har Petro nee Yakobo nee Yohane, hhiyoó Yakobo.

Marko 9:2

Tam alaá deelo lahhoó' iwa waaráhh, Yesu Petro nee Yakobo nee Yohane, girira tláy ay gawaá tloomár tleer inooín kilooín. Kalaywós iri warqáy dír ilaaín wa ale.

Yohana 21:2

Simon Petro nee Tomas, kudá' ta bay Daangamo, nee Natanaeli oo Kanár Galilaya, nee daaqoó Sebedayo, nee múk tsár oo hatlá' baraá eeharuuseerose ta dinkwárí dirii'.

Tlehhema'aá ya/Abuuse 1:13

Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Tlehhema'aá ya/Abuuse 12:2

Yakobo hhiyoó Yohane guri gaás ar paánga.