Marko 1:15 - Biblía Axweesantá Hhohho' ar Mungú 2004

¹⁵ iri káh, «Qooma aa bó/, nee waawuti'iimár Mungú naa tseewuúr. Hhu'uu'umé', nee Ya/abtór hho' haratlintiaagáy.»

Ya/abtór hho' 1977

¹⁵ iri káh, “Qooma aa bó/, nee waawuti'iimár Mungú naa tseewuúr. Hhu'u'umé' nee Ya/abtór hho' haratlintiaagáy.”

Marko 1:15 Iomraidhean Croise

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

Matayo 10:7

Baraá aaiihunge dahaareemisé', tawa kata', ‹Waawuti'iimár doori naa naká/.›

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Luka 10:11

‹Tam teerír baraá gixsarhúng ar ya'aarén gaa leer, ngi kuukuuaán amorhúng i alé. Ala tí xuaak, waawuti'iimár Mungú naa tseewuúr.›

Luka 10:9

tiqtuusér dáw ka hungu/uumisá', muu ku beera', ‹Waawuti'iimár Mungú naa tseewuúr.›

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.