Marko 1:13 - Biblía Axweesantá Hhohho' ar Mungú 2004

¹³ Ina baraá darmuú wa hoót deelo mibeeri tsiyáhh, kuna iiara'ár nee Neetlaangw. Yesu i dinkwa nee makaá sla/a, nee malayke guna sagadiyús.

Ya/abtór hho' 1977

¹³ Ina hoót baraá darmuú wa ale deelo mibeeri tsiyáhh, kuna iiara'ár nee Neetlaangw, inós i dinkwa nee makaá sla/a, nee malayke guna sagadiyús.

Marko 1:13 Iomraidhean Croise

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

Matayo 26:53

Kuúng ka xu', aníng Baabuúeé' u aleeslawaakáhe firooro, as slawá mibaá nee tsár ngi ba/a awa malayke, ngiwa haniisi hamír kilá'?

Matayo 4:1

Yesu kuri huúw nee Qeeruú hhoohhoó' oo Mungú ay baraá darma, as kuwa iiaraa'ari nee Neetlaangw.

Luka 4:1

Yesu Qeeruú hhoohhoó' oo Munguhe i haats nay Yordanír wa kií/. Kuri huúw nee Qeeruú hhoohhoó' oo Mungú baraá darma deelo mibeeri tsiyáhh,

DABE 9:11

Alaá deeloodá' mibeeri tsiyáhh iwa waaráhh xweera nee tlatla/aangw AAKOÓ MUNGÚ parhheemaá tsár awa tlaa/e, kudaá taa alqadoórí gooín, ngiri haniís.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

DABE 9:25

«Gawaá adoorihe, aníng ana gurúr qaát dír geeraá AAKOÓ MUNGÚ i aleeró, deelo mibeeri tsiyáhh xweera nee tlaatla/aango, asma AAKOÓ MUNGÚ aníng ina báy, ‹Xoororí a hhaamiís.›

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.