MALAKI 4:4 - Biblía Axweesantá Hhohho' ar Mungú 2004

⁴ «Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

MALAKI 4:4 Iomraidhean Croise

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 5:2

AAKOÓ MUNGÚ, Munguúrén alqado gana tleéhh nee atén dír tloomár Horebú wá ale.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:19

Ala kuungá' AAKOÓ MUNGÚ, Munguúhúng bura gunqaaresé', nee munguaá hatlá' kiri sagadiyusé', nee kiri sluufmisé', aníng kuungá' laarí nun gurbuú' ar looeemawo, kuungá' a hhaandá'.