MALAKI 4:2 - Biblía Axweesantá Hhohho' ar Mungú 2004

² Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

MALAKI 4:2 Iomraidhean Croise

2 SAMUELI 23:4

Inós a adór gwa/aateemá matlaatlér iimi iwa /awakuúr, adór tsee/amuú dooraá huunkáy wasl birna tsiiriíhh, kár ee, a adór tluwoó gitso ngaa yaamuú wa titi'iis.›

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

WARA'AMI 67:1

Mungú ti gurtlay nee ti tsuuqi, nee atén ti ila'ari.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 53:5

Ala inós kuna mulkúy as tlakweemaarén, kuna gweehhín as dakumisuurén. Muxtár atén wayda kur slawaan inós guna sleér, nee as inós kuwa muúx atén ana hungu/aán.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

YEREMIA 17:14

AAKOÓ MUNGÚ án hungu/uusáng, daqaní aníng a hunguú/. Ba/amisáng, daqaní aníng a ba/ám, asma kuúng an xirfuueé'.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

ESEKIELI 47:12

Naagáy dír bihhér yaaeerihe xaa'aá /aymár wa hariimá' ni ti'iitiyá'. Loo/or'ín i baloó katká, laqaá mamu laqwaliingo ngi may'aaká. Mamaá /aben umuú slahhaango ngin laqwaliná', asma ma'aydá' amór Doó Mungú wa wa/amimá' gin slaslayá'. Mamuuín a muruú /ayma nee loo/or'ín a maasoó tiqti hungu/uumis.»

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Luka 1:50

Nee gurtleemuuwós i kumaamiit umuúqo qarto dír kudá' inós ngu ilaiwawa/a'a.

Luka 1:78

ar gurtleemuú Munguúrén. Kwí gwa/aateemaá dooraá dahhá' ngi dirén i hardahaas,

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 1:8

Inósuuwí a gwa/aateemaadaeeká, ala nina hardáh as gwa/aateemaadá' ngiwa lamabu'un.

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 13:47

Asma adoorí an adoodá' Aako naa oó', ‹Aníng kuúng una qaás tawa gwa/aateemaá múk xoordu, as tawa loohír ba/ama tam ay alhhe'eesoó yaamu, as ba/amar'eé' muu sleémeero nguwa i hardat.› »

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 2:8

Ala inós ka /aben sleeme, axweesantadár ló' baraawose nee baraahunge, tidá' kah, giwti i waaráhh, nee gwa/aateemaadaá ló' naa qaroó gwa/aatiyé'.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 2:28

Nee aníng tsatsee/idár matlaatle a dirós i haniís.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 22:2

nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»