MALAKI 3:8 - Biblía Axweesantá Hhohho' ar Mungú 2004

⁸ Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

MALAKI 3:8 Iomraidhean Croise

WARA'AMI 29:2

Umuú AAKOÓ MUNGÚ xirfayeemisaak as kuwa úr, AAKOÓ MUNGÚ i tumbarara'ataak ar tlabaá hhohho'.

AXWEESANOÓ SAGALOOA 11:24

Heé gurhhoó' muruuwós hanmisuuwo, daqaari'iimarós in ak doogiín. Ala /akusmo in ak narkuut.

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

TLAHHOÓ LAÁWI 19:25

Ala mamaá kurkú kooán wa iimu/uuma in /agá', nee bu'ungwhúng iri doogín. Aníng an AAKOÓ MUNGÚ, Munguúhúng.

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

MALAKI 1:8

Kuungá' ilahhooár muruú ta tsu/i ar gár taampa ngiwa hanmisa' ka hhoóe? Nee ilahhooár gár toqoori laqaá gár tiiq ngiwa hanmisa' ka hhoóe? Xáy muruú adór kwí bura hanís dír ga/aawusmoowók, ku hhoóe dirose? Gu ya/aána?» AAKOÓ MUNGÚ Aleesleemusmo ngina oó'.

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

Marko 12:17

Yesu giri báy, «Ar waawutmoó múk Roma amoorós ti hanise', nee ar Mungú amór Mungú ti hanise'.» Kuri ló'wa waa/oó/.

Luka 20:25

Yesu giri báy, «Ar waawutmoó múk Romár wa hariim, amoorós ti hanise', nee ar Mungú wa hariim, amór Mungú ti hanise'.»

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

Rumi 2:22

Kuúnguudá' káh, «Ma fuquusaar,» ala kuúnguú kilá' baré a fuqús? Kuúnguudá' munguaá hatlá' waaqaqaá', ahaá ala kuúnguú kilá' mas fisisiín baraá maray'ín wa ale.

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.