MALAKI 3:3 - Biblía Axweesantá Hhohho' ar Mungú 2004

³ Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

MALAKI 3:3 Iomraidhean Croise

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 4:5

Ilahhooár ganaa' ar muruú ta tsu/i hanmisaak, nee AAKOÓ MUNGÚ na harahhifaak.

WARA'AMI 4:6

Awa yaariir i kaahiya', «Heé hhooa ngi atén i laqaám a heemá? AAKOÓ MUNGÚ, atén ti i qaytsit ar gurtleemu.»

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

WARA'AMI 51:19

Daqaní kuúng tu sla'atis nee ilahhooár ganaa' ar muruú ta tsu/i, ilahhooár da/a ar slee kawa adoodá' alda/i. Daqaní awee kingi huuw dír kitángw ilahhooár Mungú ki duxaxin.

WARA'AMI 66:10

Aá Mungú, atén kuúng taa iiát, adoodá' muqslír /awaak kar kwahhaahhuuti, qoomár bar ka peésa tlehhiit.

AXWEESANOÓ SAGALOOA 17:3

Sahaábuú gawít laqaá muqslidár peésa ar gawit aqo kan iiar ar asla. Ala munér muu AAKOÓ MUNGÚ gan iiara'ar.

AXWEESANOÓ SAGALOOA 25:4

Hhape hingeeseek baraá muqslidár peésaaro, daqaní kareramo muqsli ngi tleehhamo hhe'ees.

ISAYA 1:25

Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 48:10

Ga/aaweek, aníng kuungá' naa kwahhuút ala a adór peésa kar kwahhumamitiiká ar baraá asla. Nun iiár ar slahh'amaayér hhamhhám.

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

DANIELI 12:10

Múk yaariír slasla/aruín ku hingees, ki hhohhoees nee kin hamaatl. Ala múk tlákw tan kumiit tlakweema tlehhtuuwo. Tam heé wák i kaahh dír múk tlakwe oo gaarí ga tsaahh. Ala múk sagalooár koóm an múk adoorí ga tsaáhh.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

FAARO 8:6

«Múk Laáwi paraatleek baraá tlaa/ángw xoorór Israeliwo, nee ki hheehhe'és.

Luka 3:16

Yohane giri mu/aywaáts sleémeero giri báy, «A ló', án gár nir baatimiis a ma'aay, ala heé /uuruuwo aní baá/ ni hi'iit. Án a hariimaaká sleeme tam him'ér ya/ataawós ngiwa gweer. Inós nun baatimiis ar Qeeruú hhoohhoó' oo Mungú nee asla.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 12:10

Baabi'iirén awa slaqwa baraaká' yaamuwo atén tin muxaxiná' as slafingwí oo har qoomár niina. Slám tina muxiyé' ar har adoodá' inooín taa ár. Ala Mungú atén tin muux ar adoodá' atén ti gaa waa buu', asma inós gár i slai masók atén hhohhoaarirós tidá' an slawaán.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»