MALAKI 3:16 - Biblía Axweesantá Hhohho' ar Mungú 2004

¹⁶ Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

MALAKI 3:16 Iomraidhean Croise

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

2 SAMUELI 7:1

Qoomár waawutmo Daudi iwa baraá doó waawuti'iimár hooti, qoomaadae AAKOÓ MUNGÚ guri tsuúq iwa waydúr hooti nee wakuuserós umuúqo barto.

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 18:3

Ahabu Obadia guri ateét, kuduú sagesihhitusmoó doó waawutmo. (Obadia a heé AAKOÓ MUNGÚ gu ló'wa ilaiwawaá/.

2 QOM'I 6:7

Solomon iri kumiít axweesanto iwa kaahi, «Baabuúeé' Daudi Doó Mungú guna ístií tsaát tleehharo as AAKOÓ MUNGÚ, Munguú Israeli, kuwa baraadá' wa sluufmisi.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

ESTA 2:23

Kaangwí kuri alqaytsiít, looeema kay sláy, mukdá' tsár kway terereín gawaá xa'ano, kaangwí kway gooín baraá kitaábuú qom'i dír geeraá waawutmo.

ESTA 6:1

Xweeraadae waawutmo gu'ute gwaa otká, sagadiyusmoowós guri ádbáy, kitaábuúdá' taa muruú inslaslángw wa hariímií gooaain nee muruú qom'iiwo kuwa huwi as kuwa dír geeraawós wa soomuusi.

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 104:33

AAKOÓ MUNGÚ barsa hoót un i daá'. Barsa slaáf, Munguúeé' un xirfayeemiís.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 115:13

Kudá' inós ngu ilaiwawaa/á' gin tsuuq, múk urén nee na/iiwo gin tsuuq.

WARA'AMI 119:63

Aníng a mulqumoó kudá' sleémeero kuúng u ilaiwawa/á', nee awa hara'ayaarók ngi ohiimá'.

WARA'AMI 139:4

AAKOÓ MUNGÚ, tam dír nira ilawatsiiká kuúng /aymuú ni ooár wa slaa' u qaroó xú' kángw kilá' wa ale.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 16:3

Múk hhohhó' oo baraakaá yaamu an múk afhhamít, inooín aníng i sla'atimisiyá'.

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 56:8

Amoqwaqwadingw'eé' sleémeero kuúng u xú', hhirhheerieé' kuúng i insleér, xáy, kaa gooínke baraá kitaábuuwoge?

WARA'AMI 56:9

Daqaní wakuuser'eé' i alií kí/, bál án kuúng bura ateét. Tí a xuú', adór AAKOÓ MUNGÚ i bartaeé' i dirii'i,

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

WARA'AMI 94:19

Muunaáeé' amoqwaqwadiingo bira buúhh, aníng kuúng i gurkwa/ás nee in qwal/amís.

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

AXWEESANOÓ SAGALOOA 13:20

Heé hi'iimamiít nee múk sagelooén, sagalooa ga sláy, Ala mulqumoó heé daktani slahh'amu gu sláy.

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 65:6

Ga/aawaak, tí kaa gooín dír geeraaeene, aníng a baloó xaslitaaká, ala tí aqo an buú' dir'ín.»

YEREMIA 31:18

Aníng aga axaás múk Israeli i wa/aa/uus, tawa kaahi, ‹Atén tina múx adór awér aa intsaahhaandiiká dooslaro, ala kuúng tiri intsaahhatís as uwa ilaiwa/aan. Atén ti ki/is, atén aga ya/aamaán ki/imaá amooroge, asma kuúng an AAKOÓ MUNGÚ, Munguúrén.

YEREMIA 8:6

Aníng iia ana mak ló'wa siíhh, ala inooín looeema nga ooi'iiká. Heé tlakweemaawós gaa hhu'uu'un tam oo wák i kaahh, oo baraá muunaáwósií káh, ‹Gár naa tleéhh a milá?› Umuú heewo loohirós gana eehár adór farsuú geerií kumiít baraá slaqwaraaro.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Luka 2:38

Inós hamtidár kilae nina ti'ít, i Munguú sluufmís. Kángw na/aay guri ó' dír kudá' sleémeero awa harahhifor'ín ngaa qaasiye' gawaá ba/amár Yerusalemu.

Tlehhema'aá ya/Abuuse 1:13

Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 2:1

Bál deelór Pentekoste iwa xeér, mukdá' haratlintii' sleémeero ta dír wák i dirii'.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

1 Tesalonike 5:11

Gawaá adoorihe kuungá' ti kiloohúng gurkwa/amise', nee ti alee/iimisé', adoosíng hamí ta tlehhita'.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

Ebrania 10:24

Atén masók ti kilootén ga/aawaán nee ti alee/iimisaán as tawa hootaan ar sla'aari nee ar tlehhema'aá hho'.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.