MALAKI 2:8 - Biblía Axweesantá Hhohho' ar Mungú 2004

⁸ «Ala kuungá' ana warqeeré', loohi kay geexeeré', múk yaariír ugwa paslisé' baraá hara'ayaaro, alqadór Laáwi aga sié',» AAKOÓ MUNGÚ Aleesleemusmo tí ngina oó'.

MALAKI 2:8 Iomraidhean Croise

2 WAAWITÁ 16:11

Uria kitángw ilahhooa guri tleéhh ar slaqsoó adór kudá', nee tleehhamoro guri hhe'eés dír waawutmo Ahasi nira amór dó' i ki/iiká.

NEHEMIA 13:29

Munguúeé', inslaweek adoodá' kahamuusi'iima ngira meetagaasiyé' nee alqadór kahamuusi'iimaro nee ar tlahhoó Laáwiwo.

WARA'AMI 119:102

Gár kuúng ta kat aga waqaiiká, asma kuúng a intsaahhatusmooeé'.

WARA'AMI 18:21

Aníng loohirós ana eehár, nee Munguúeé' ugwa geexawiiká.

AXWEESANOÓ SAGALOOA 12:8

Hee kun xirfayees ar qoomoó fuquraangós, Ala heé saga gawít kun waaqaa'.

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 9:16

Mukdá' mukwí gwa intsaahhatimis, nguna hhitiné', tam kudá' taa geeraharahaár nee inooín sleeme tari qwaár.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 2:8

Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 44:10

«Ala múk Laáwi aníng iga geexáy, qoomár múk Israeli tiwa paraátl dir'eene as munguaá hatlá' ngiwa eehariyé', aníng múk Laáwi u muúx.

ESEKIELI 44:12

Asma inooín múk Israeli nguwa geerahariyé' firór munguaá hatlae, nee muu nguri tlakweemár ayé', aníng dakw'eé' ugwa gáwtí tleés as ngiwa muux. Anuú Aakoó MUNGÚ tí aga oó'. Inooín muxtar'ín ngi slayá'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

TLAHHOÓ LAÁWI 21:15

As kahhó' inós na/iiwós mingiwa dabaá tlákwár áy. Aníng an AAKOÓ MUNGÚ kudá' inós gwa paraatl.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 2:5

«Alqador'eé' nee Laáwi a alqadór slafiingw nee ar wayda. Aníng ana haniís as inós aníng iwa ilaiwawaa/i. Inós aníng iri ilaiwawaá/, umuueé' guri qiitliiká.

FAARO 25:12

Gawaá adoorihe inós baweek, ‹Aníng alqadór wayda a tleéhh dirósí ale.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

1 SAMUELI 2:17

Tlakweemaá daaqoó doó Eli niri harwaraahhiyé' geeraá AAKOÓ MUNGUHE, gawaá adoorihe Mungú iri ló'wa buúhh, asma mukwí ilahhooár AAKOÓ MUNGÚ gana waaqaá'.

1 SAMUELI 2:24

Aasla'áy daaqay'eé', kangwsíng ni axmiís dír múk AAKOÓ MUNGÚ wa ale daanduuhunge i tsuuiiká.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.